Кіраўнік МЗС Радослаў Сікорскі лічыць, што гэта можна лічыць самаабаронай.
Міністр замежных справаў Польшчы Радослаў Сікорскі заявіў, што Варшава разглядае прапанову Кіева збіваць расейскія ракеты, якія ляцяць у бок Польшчы, пакуль яны яшчэ знаходзяцца ва ўкраінскай паветранай прасторы. Пра гэта паведамляе BBC.
Адпаведная прапанова была ўключаная ў сумесную абаронную дамову паміж Польшчай і Украінай, падпісаную ў пачатку гэтага тыдня.
,,«На гэтым этапе гэта ідэя. У нашым пагадненні сказана, што мы будзем вывучаць гэтую ідэю», – сказаў кіраўнік МЗС Польшчы Радослаў Сікорскі.
Ён нагадаў пра шэраг выпадкаў, калі падчас паветраных атак на Украіну расейскія ракеты парушалі паветраную прастору Польшчы.
«Наша дылема заключаецца ў наступным. Калі мы будзем збіваць іх толькі тады, калі яны ўваходзяць у нашу паветраную прастору, то абломкі ўяўляюць пагрозу для нашых грамадзян і для нашай уласнасці.
,,А ўкраінцы кажуць: «Калі ласка, мы не пярэчым, рабіце гэта над нашым паветранай прасторай, калі ёсць непазбежная пагроза іх уваходу на тэрыторыю Польшчы», – сказаў міністр.
«На маю думку, гэта самаабарона, але мы вывучаем гэтую ідэю», – дадаў Сікорскі.
Глеб Нержын belsat.eu
