Абраная прэзідэнтка ўдакладніла, што ўжо мае такую дамоўленасць.
Абраная прэзідэнтка ўдакладніла, што мае дамоўленасць: абмежаванні не закрануць пасажырскага транспартнага руху (аўтобусы, маршруткі ды інш.). Таксама беларусы, якія жывуць у Еўразвязе, атрымаюць магчымасць перарэгістраваць свае аўтамабілі на еўрапейскія нумары.
«Абмежаванні на заезд беларускіх аўтамабіляў – паспешлівае і шкоднае рашэнне. У першую чаргу яно б’е па людзях, а не па рэжыме Лукашэнкі. Таму ідзе актыўная праца над тым, каб дамагчыся змены гэтага рашэння. Мы на сувязі з Польшчай, Літвой і Латвіяй – і даводзім неабходнасць зрабіць выключэнні для беларусаў, якія заязджаюць у ЕЗ на сваіх аўтах», — кажа Святлана Ціханоўская.
Таксама яна падкрэсліла, што мяжа з ЕЗ мусіць быць адкрытая для беларусаў, якія не падтрымліваюць рэжым і бачаць будучыню сваёй краіны ў Еўропе.
