Святло вярнулася ў большасць шматкватэрных дамоў Мазыра.
Электраэнергія ў Мазыры зноў паступае прамысловым спажыўцам і ў дамы людзей. Святло вярнулася ў большасць шматкватэрных дамоў Мазыра, паведамляе Мінэнерга.
«У цяперашні час энергетыкі завяршаюць працы ў прыватным сектары гораду. Прымаюцца меры для хутчэйшага аднаўлення электразабеспячэння ўсіх спажыўцоў», – піша Мінэнерга.
Праз ураган 14 ліпеня Мазыр амаль на тры дні застаўся без святла. Мазырская ЦЭЦ спыняла працу, а за ёй без электрычнасці і Мазырскі НПЗ. Цяпер яны зноў працуюць.
Таксама пацярпела водазабеспячэнне ў Мазыры. Ваду людзям далі раніцай 16 ліпеня. Да гэтага яе прывозілі на фурах нават з Менску.
Са святлом былі праблемы да вечара 16 ліпеня, таму раніцай мясцовыя жыхары сабраліся ў аддзяленні Белтэлекаму, каб зарадзіць мабільныя тэлефоны.
Арсен Рудэнка belsat.eu
