Яна звярнулася да беларускай апазіцыі і запэўніла, што беларусам не трэба змагацца нават за правы дзяцей, бо дзяржава, маўляў, ужо робіць гэта за іх.
А пры звароце да беларускай апазіцыі яна запэўніла, што беларусам нават за правы дзяцей не трэба змагацца, маўляў, дзяржава ўжо робіць гэта за іх. У такім стылі экс-кандыдатка на еўрадэпутацтва разважала падчас удзелу ў праекце на YouTube-канале БелТА «Честный рассказ».
,,«Я не кажу, што вы не мусіце змагацца за свае нейкія правы і свабоды, – сказала кандыдатка на дэпутацтва ад Латвіі ў Еўрапарламент 10-га склікання Вольга Чарняўская. – Напрыклад, вы кажаце, што вам нельга гаварыць, вам нельга… Паглядзіце, з якой мэтай нешта забараняецца. Гэта робіцца, каб перадухіліць пераварот у краіне і незаконную змену ўлады».
На гэтым не скончылася. Далей палітычная дзяячка параўнала стан рэчаў у Беларусі з Латвіяй, Мексікай, Ірландыяй, Вялікай Брытаніяй і зрабіла выснову, што ўрад Беларусі, на адрозненне ад іншых краінаў, спрабуе абараніць беларусаў і дзейнічае ў інтарэсах краіны.
Нагадаем, з 2020 года Беларусь з прычыны палітычнага пераследу мусілі пакінуць тысячы беларусаў, зліквідаваныя практычна ўсе НДА, ужо цяпер у краіне востра не стае высокакваліфікаваных спецыялістаў, а станам на 21 ліпеня палітычнымі зняволенымі ў краіне, паводле дадзеных праваабарончага цэнтру «Вясна», лічацца 1378 асобаў.
Надзея Вольная belsat.eu
