У кватэры паводле месца жыхарства правялі ператрус.
У кватэру журналіста Змітра Панкаўца ў Барысаўскім раёне Менскай вобласці з ператрусам прыйшлі супрацоўнікі Следчага камітэту. Але ў выніку нічога не забралі, паведамляе Беларуская асацыяцыя журналістаў.
«Афіцыйна назваліся супрацоўнікамі Следчага камітэту, хоць у мяне ёсць здагадкі, што гэта быў не Следчы камітэт. Пры гэтым, як я ведаю, прыехалі па мяне не з Барысава, а з Менску», – паведаміў БАЖ Зміцер Панкавец.
Журналіст удакладніў, што ў яго няшмат інфармацыі, ён ведае, што следчыя паказалі панятым дакумент аб завядзенні на крымінальнай справы:
,,«Артыкул мне не вядомы, але з расповеду зразумела, што справа нібыта за сувязі з каліноўцамі. Ну, я сапраўды асвятляў гэтую тэму і шмат пісаў пра байцоў палка Каліноўскага ва Украіне. «Госці» таксама прасілі перадаць, што чакаюць мяне ў Беларусі і «грэюць кайданкі» для мяне. Пакуль аніякага развіцця сітуацыі не было».
Зміцер Панкавец ужо некалькі гадоў не жыве ў Беларусі: ён з’ехаў з краіны ў снежні 2021-га, асцерагаючыся пераследу за сваю журналісцкую дзейнасць. Працаваў на радыё «Свабода», але ў красавіку 2024-га быў адхілены ад працы, а пасля звольнены, па выніках службовага правярання пасля абвінавачвання журналіста ў хатнім гвалце.
Раман Шавель belsat.eu
