Залдастанаў

«Начныя ваўкі» Пуціна, як ваўкалакі: гоняць з аднаго месца – зʼяўляюцца ў іншым. Іх не прапусцілі польскія памежнікі. Але праваслаўныя байкеры – ужо ў Вене. Дзе не пабываюць, паўсюль скандалы. Але мотаклуб гэта хіба толькі акрыляе. І ваўкі працягваюць мотапрабег «Дарогі перамогі».

Планы прапуцінскіх «Начных ваўкоў», у дакладнасці як і год таму, праваліліся. Удзельнікаў мотапрабегу ў Берлін не пусцілі ў Польшчу. Між тым за кароткі час перабывання ў Сінявокай пракрамлёўскія байкеры таксама паспелі наслядзіць.