Ян Гавэркамп

Навіны з вялікай беларускай будоўлі: на другім энергаблоку Астравецкай атамнай станцыі ўсталявалі чатыры парагенератары. Пра гэта паведаміла прэсавая служба БелАЭС. Затое пра чарговы віток барацьбы Літвы супраць узвядзення патэнцыйна небяспечнага абʼекту каля беларуска-літоўскай мяжы – цішыня. Тым часам Вільня выставіла стос заўвагаў паводле вынікаў стрэсавых тэстаў, якія на будоўлі правялі ў 2016-17-м гадах.

Рызыкі эканамічныя, палітычныя і экалагічныя. Беларускія зялёныя, эколагі і прадстаўнікі Грынпіс абмяркоўвалі сітуацыю, якая склалася вакол будаўніцтва Астравецкай АЭС і патэнцыйную небяспеку закрытасці расейскіх і беларускіх адказных структур у выпадку значнай ці не вельмі аварыі. Трохдзённая працоўная сустрэча скончылася сёння размовай з журналістамі ў Менску.