Валянціна Быкава

Народная талака ўжо каторы раз ратуе не толькі добры праект, але і ў нейкім сэнсе гонар Беларусі. Грамадскі актывіст Глеб Лабадзенка заклікаў усёй грамадою сабраць грошы на аднаўленне помнікаў сямʼі народнага пісьменніка Васіля Быкава. Людзі адгукнуліся імгненна!

Сястра славутага пісьменніка не дажыла да 90-годдзя ўсяго некалькі дзён. Асаблівага смутку сённяшняму дню дадавала і прычына смерці спадарыні Валянціны – месяц таму на яе здзейснілі напад невядомыя, увесь гэты час яна правяла ў Віцебскім абласным шпіталі.