Суздальцаў

Заява Лукашэнкі пра прызнанне Крыму расейскай тэрыторыяй прагучала ў інтэрв’ю.

Галоўныя падзеі ў Беларусі і суседзяў паводле рэдакцыі «Аб’ектыву».

Замірэнне абвешчанае, але баявыя дзеянні пакуль працягваюцца. Хоць Уладзімір Пуцін і Аляксандр Лукашэнка абвясцілі ў Пецярбурзе аб пагадненні па нафце і газе, Расея, так пакуль і не аднавіла ранейшыя абʼёмы паставак у Беларусь нафты, заяўляючы, што спярша чакае вяртанне ўсёй сумы газавых недаплатаў, што назапасілася за 15 месяцаў. Гэтак жа і на харчовым фронце. Рассельгаснагляд паабяцаў вярнуць сертыфікаты на экспарт у Расею тым беларускім прадпрыемствам, якія пройдуць яго праверку, але пакуль гэтага не ўчыніў, і, наадварот, працягвае заварочваць усё новыя партыі беларускай прадукцыі. Калі ж пецярбургскія дамоўленасці дадуць вынік і які?

Лукашэнка ў Сочы катаецца ўсё так жа без Пуціна. Тым часам у Маскве сустрэліся Уладзімір Макей і Сяргей Лаўроў. Ці сустрэча на міністэрскім узроўні дапаможа развязаць зацяжны канфлікт паміж краінамі? Шмат хто з экспертаў упэўнены, што непаразуменне ляжыць менавіта на ўзроўні кіраўнікоў краінаў. Але гульня ў хованкі працягваецца.

А тым часам у Маскве ці то надакучыў Лукашэнка, ці то намагаюцца спраўдзіць настроі ў шэрагах беларускай апазіцыі. На канферэнцыю з красамоўнаю назваю «БелаРускі дыялог» запрошаныя шэраг палітолагаў, эканамістаў і дзеячаў апазіцыі. У цэнтры ўвагі – востры палітычны ды эканамічны крызіс у нашай краіне. Што праўда, большасць апанентаў Лукашэнкі не верыць у дыялог з Масквою, а таму на сустрэчу не прыехалі.