Паўло Шаройка

Крэмль не забараняў Лукашэнку паездку ў Брусель, так лічыць Богдан Здраеўскі, які ў Еўрапейскім парламенце займаецца адносінамі з Беларуссю, аднак адзін з лідараў беларускай апазіцыі Анатоль Лябедзька з ім не згодны. Мы распавядзем пра тое, што трэба зрабіць, каб Беларусь магла разлічваць на мільярд еўраў ад ЕЗ, а таксама як зайшла ў тупік справа змены назвы вуліцы Браніслава Тарашкевіча ў Бельску Падляскім, палкоўнік Лявон Спаткай прааналізуе, што не клеіцца ў справе ўкраінскага журналіста Паўла Шаройкі ды пакажам чаму ЛНР і ДНР не могуць аб’яднацца ў Наваросію.

Раман Бязсмертны, які раней з’яўляўся амбасадарам Украіны ў Беларусі, выказаўся пра апошні скандал у дачыненнях паміж краінамі.

Украінскі консул пабачыўся з затрыманым у Менску журналістам Паўлам Шаройкам. Тым часам у самой Украіне ўсё мацней гучыць абурэнне «пустымі і ліслівымі дэкларацыямі кіраўніцтва Беларусі» ды заклікі да ўвядзення санкцыяў супраць паўночных суседзяў.