Канстанцін Бурыкін

У судзе Завадскога раёну сталіцы пачаўся разгляд крымінальнай справы Канстанціна Бурыкіна, былога кіраўніка прыходу храму Святога Духа ў Гатава пад Менскам, які заадно быў і кіраўніком Беларускай федэрацыі паўэрліфтынгу. Бурыкін заявіў, што пісталет і рэвальвер яму падарылі чальцы «РНЕ» – расейскай нацысцкай арганізацыі, якую ён акармляў з блаславення патрыярха Філарэта.

Беларусам неабходна распачаць грамадзянскую кампанію, каб змусіць дзяржаўныя праваахоўныя ворганы і мясцовае кіраўніцтва Праваслаўнай царквы не дапускаць у царкоўным асяроддзі прапаганды нацысцкіх ды імперскіх поглядаў. Бо гэта рэальная пагроза нашай незалежнасці. Пра гэта «Белсату» паведаміў сустаршыня «Беларускай хрысціянскай дэмакратыі» Павел Севярынец. Паводле палітыка, так званы «русскій мір» распаўсюджваецца па Беларусі ў тым ліку і праз праваслаўныя епархіі.