Генадзій Цімчанка

З часу буйнога скандалу пра афшоры, публікацыі «Панамскага архіву», прайшло трохі больш за год, а свет ужо атрымаў новую порцыю дакументаў. «Райскае дасье» дэманструе, як буйныя кампаніі ды вядомыя людзі з дапамогаю тысяч юрыстаў сыходзяць ад платы падаткаў.

Віяланчэліст, праз афшоры якога прайшло $ 2 млрд. Былы мяснік з нажытым капіталам, якога хопіць не на адно пакаленне. $ 573 млн, якія назбіраў самы звычайны працаўнік суднаходнай кампаніі. Цэнтр па даследаванню карупцыі і арганізаванай злачыннасці падлічыў, што агульны капітал блізкага атачэння расейскага прэзідэнта дасягае $ 2 млрд. Дзе грошы Пуціна, а дзе – ягоных сяброў?