Андрэй Шасцеракоў

Лібералізацыя бізнесу – гэтае словазлучэнне гэтай восенню чыноўнікі паўтараюць як мантру, спадзяюцца на гэтую «беспрэцэдэнтную свабоду і ільготы» і ўласна бізнесоўцы. Але ці пайшло далей за словы? Пакуль што прадпрымальнікі ані свабодаў, ані ільготаў не адчулі. Што перашкаджае дробнаму бізнесу жыць і развівацца – на прыкладзе адной крамы.

Сертыфікацыя тавару, штрафы і канфіскацыі. Спіс праблемаў індывідуальных прадпрымальнікаў, якія так і не знайшлі развязання, зноў рызыкуе папоўніцца чарговымі рашэннямі ўладаў не на карысць малага бізнесу. Савет па развіцці прадпрымальніцтва абмеркаваў чарговы законапраект, які ў выпадку яго прыняцця накладзе новы падатковы цяжар на іпэшнікаў. Тым часам рынак займаюць гандляры з Сярэдняй Азіі, што працуюць у абыход заканадаўства.