Schedule of day 2017/04/22


07:55
Мястэчка за 30 км ад Горадні пачыналася ў далёкім XV ст. як гаспадарскі двор. У XVII ст. на полі заклалі заранёў распланаванае і размеранае мястэчка, якое пачало разрастацца. Расейцы, захапіўшы Гарадзеншчыну, аддалі Скідзель у прыватнае валоданне ўдаве князя Чацвярцінскага, павешанага за здраду ў Варшаве паўстанцамі Касцюшкі. Скідзельцы раптам з вольных людзей ператварыліся ў прыгонных сялянаў і праз усё XIX ст. змагаліся за свае правы. У верасні 1939 г. мясцовыя беларускія патрыёты паднялі антыпольскае паўстанне, але трапілі пад карную аперацыю.
08:10
У першае дзесяцігоддзе ХХІ ст. улады Беларусі менавіта турмамі затыкалі рот кожнаму, хто асмельваўся публічна выказаць сваё меркаванне. А за кратамі людзей спрабавалі ламаць катаваннямі. Што такое катаванне ў беларускіх турмах, напоўніцу спазнаў палітык, літаратар, бізнесовец Андрэй Клімаў, якога тройчы знявольвалі за перакананні ды апазіцыйныя дзеянні. Ён і сведчыць пра метады і спосабы катаванняў у беларускіх турмах на прыкладзе Мазырскай калоніі ўзмоцненага рэжыму, якую палітык называе пеклам. Вы пачуеце паказанні і былых палітвязняў: Алеся Кіркевіча ды Аляксандра Класкоўскага, асуджаных за ўдзел у Плошчы – 2010. Падсумоўвае размову праваабаронца Уладзімір Лабковіч. Ён падкрэслівае, што беларускія і замежныя праваабаронцы, міжнародныя структуры ды арганізацыі шматразова патрабавалі і патрабуюць ад уладаў наладзіць правяранне ў турмах краіны ды спыніць фізічныя і маральныя здзекі з людзей. Аднак іхных галасоў рэжым дасюль не пачуў.
10:20
Чым жыве планета і як яна мяняецца? Якім чынам гэтыя змены ўплываюць на нас? Што адбываецца ў нашых суседзяў? Якія з беларускіх падзеяў мелі рэзананс у свеце?
12:15
Чаго чакаць, калі едзеш працаваць за мяжу? Як ствараюць тавары і паслугі ў сексуальнай сферы? Рэальнае бездарожжа: ці паўсюдна можна даехаць да свайго дому?
12:35
Гарачая вясна – 2017 пачала павышаць тэмпературу яшчэ з сярэдзіны лютага разам з першымі акцыямі пратэсту супраць гэтак званага дэкрэту аб дармаедстве. Пры гэтым і ўлады, і апазіцыю знянацку заспелі найперш рэгіёны, дзе на вуліцы выходзіла людзей часам не менш, а то і больш, чымся ў сталіцы. Геаграфія Маршаў недармаедаў ды абураных беларусаў ахапіла літаральна ўсю краіну, пры гэтым шмат у якіх гарадах масавыя выступы сталіся ці не першымі акцыямі пратэсту за апошнія дваццаць гадоў. І сапраўды народнымі, улічваючы склад іх удзельнікаў. Ці не таму Лукашэнка, які гэтак любіць паўтараць пра сваю ненахіляльнасць, пайшоў на беспрэцэдэнтны крок, прыпыніўшы дзеянне скандальнага дэкрэту да наступнага года? Вось толькі выпусціць усю гнеўную пару толькі праз адную дзірачку наўрад ці ўдасца. Антыдармаедскія акцыі пратэсту былі, бадай, толькі ў самым іх пачатку, хутка яны набралі куды больш маштабнае эканамічнае ды сацыяльна – палітычнае гучанне. Бадай, галоўным патрабаваннем вясновых выступаў зрабілася адстаўка Лукашэнкі ды правядзенне свабодных і сумленных выбараў у краіне.
13:10
Чым жыве планета і як яна мяняецца? Якім чынам гэтыя змены ўплываюць на нас? Што адбываецца ў нашых суседзяў? Якія з беларускіх падзеяў мелі рэзананс у свеце?
13:45
Стужка расследуе з’яўленне новае Расеі, паказвае пашырэнне расейскага ўплыву на аснове страху і фобіяў з мінулага ды фальшывага пачуцця пагрозы. З 2008 г. , пасля вайны з Грузіяй, Расея пачала будаваць новую мадэль уздзеяння на міжнароднай арэне – гібрыдную вайну, калі ваенныя дзеянні спалучаюцца са змаганнем за сэрцы ды розумы. Аўтар даследуе механізмы і інструменты, якія выкарыстоўваюцца ў Расеі, каб выйграць інфармацыйнае супрацьстаянне як у краіне, гэтак і за мяжою. Вы пабачыце ў дзеянні два інструменты, якія выкарыстоўвае Крэмль: расейскую прапагандысцкую машыну ды войска “пяхотнікаў” у выглядзе міжнароднай сеткі псеўда – НДА, якія фінансуюцца з расейскага бюджэту з адзінаю мэтаю – служыць інтарэсам расейскае вонкавае палітыкі. Прапаганда сее настальгію па СССР сярод расейскамоўнае дыяспары за мяжой і спрабуе заблытаць заходнюю грамадскую думку.
рэж. Юрыс Пакалнінш (Juris Pakalni), 2016 г. , Латвія – Эстонія – Літва
14:40
“Закуліснае” жыццё трупы чыкагскага балету “Joffrey”. Грань паміж дакументальнымі кадрамі і мастацкімі амаль не заўважная. Мы трапляем у залы, дзе за станком адточваюць сваю тэхніку артысты, дзе да знямогі і спрэчак рэпетуюцца новыя сцэны. Становімся сведкамі абмеркаванняў новых інсцэнізацыяў у аўдыторыі для нарадаў ці ў кабінеце патрабавальнага дырэктара Альбэрта Антанэллі. На экране дэманструюцца вынікі цяжкае працы – фрагменты маляўнічых балетаў. Але за ўсім гэтым крыецца асабістае жыццё кожнага артыста, дзе ёсць месца каханню, рэўнасці, зайздрасці, жартам і забавам, імкненню да кар’ернага росту, роспачы ды небяспецы… І ўсё ж мастацтва танцу – перадусім.
рэж. Робэрт Oлтмэн (Robert Altman), 2003 г. , ЗША
У ролях: Ніў Кэмпбэл (Neve Campbell), Джэймз Фрэнка (James Franco), Мэлкам МакДаўэл (Malcolm McDowell), Барбара Э. Робэртсан (Barbara E. Robertson), Сузі К’юсак (Susie Cusack), Ўільям Дык (William Dick).
16:30
Замовы – найбольш архаічная фальклорная спадчына, яны дазваляюць глыбей зразумець светапогляд продкаў. Гераіні нашае праграмы – бабкі – шаптухі. Выпраўляемся на Палессе…
16:50
Як жывуць былыя гараджане ў сельскай мясцовасці? “Лагер актыўнай рэабілітацыі” – першы крок інвалідаў да самастойнага жыцця. Бацькоў, якія выхоўваюць дзяцей – інвалідаў, прыраўнялі да тых, хто ніколі не працаваў.
17:25
Па Другой сусветнай вайне мінула дзевяць гадоў. Маладая маці Сьюзан, якія працавала ў Брытанскай дэшыфравальнай службе ў маёнтку Блэтчлі – Парк, пастанаўляе звярнуцца па дапамогу да сваіх колішніх сябровак са службы, каб выкрыць шэраг забойстваў.
19:55
Аналітычная праграма журналістаў радыё Свабода. Разам з гасцямі і запрошанымі экспертамі вядзецца дыскусія пра актуальныя палітычныя, эканамічныя і сацыяльныя праблемы мінулага тыдня. Журналісты закранаюць пытанні, важныя як для Беларусі, так і для ўсяго свету.
21:15
Расейскія прапагандысты, што заязджаюць у Менск з гастролямі, дазваляюць сабе публічныя выказванні, быццам бальшыня беларускіх вайскоўцаў ды праваахоўнікаў насамрэч спадзяюцца на аб’яднанне Беларусі і Расеі ды мараць служыць у войску гэтай вялікай Расеі. Ці так гэта? На жаль, некаторыя асобныя назіранні і факты сведчаць, што ў выпадку абвастрэння сітуацыі ў Беларусі праявіцца магутная пятая калона, якая падмацуе агрэсіўныя дзеянні звонку. Стварэнне вайсковых камісіяў Беларускага нацыянальнага кангрэсу мае на мэце ўмацаваць нацыянальны кампанент беларускага войска, а таксама наладзіць шчыльны кантроль над працэсамі, што там адбываюцца. Ці будзе плён ад гэтае працы? Улады дэманструюць абыякавасць, не разумеючы, што нават сваім бяздзеяннем пілуюць сук, на якім сядзяць.
22:05
Стужка на матывы твораў Івана Буніна: аповеду “Сонечны ўдар” (1925) і дзённікаў 1918 1920 гг. “Акаянныя дні” пра апошнія дні капітана разбітай арміі Урангеля ў фільтрацыйным лагеры чырвоных у лістападзе 1920-га.
рэж. (Мікіта Міхалкоў) Никита Михалков, 2014 г. , Расея
00:55
Чым жыве планета і як яна мяняецца? Якім чынам гэтыя змены ўплываюць на нас? Што адбываецца ў нашых суседзяў? Якія з беларускіх падзеяў мелі рэзананс у свеце?
01:30
Стужка расследуе з’яўленне новае Расеі, паказвае пашырэнне расейскага ўплыву на аснове страху і фобіяў з мінулага ды фальшывага пачуцця пагрозы. З 2008 г. , пасля вайны з Грузіяй, Расея пачала будаваць новую мадэль уздзеяння на міжнароднай арэне – гібрыдную вайну, калі ваенныя дзеянні спалучаюцца са змаганнем за сэрцы ды розумы. Аўтар даследуе механізмы і інструменты, якія выкарыстоўваюцца ў Расеі, каб выйграць інфармацыйнае супрацьстаянне як у краіне, гэтак і за мяжою. Вы пабачыце ў дзеянні два інструменты, якія выкарыстоўвае Крэмль: расейскую прапагандысцкую машыну ды войска “пяхотнікаў” у выглядзе міжнароднай сеткі псеўда – НДА, якія фінансуюцца з расейскага бюджэту з адзінаю мэтаю – служыць інтарэсам расейскае вонкавае палітыкі. Прапаганда сее настальгію па СССР сярод расейскамоўнае дыяспары за мяжой і спрабуе заблытаць заходнюю грамадскую думку.
рэж. Юрыс Пакалнінш (Juris Pakalni), 2016 г. , Латвія – Эстонія – Літва
02:55
Глядзі таксама
Каментары