Schedule of day 2017/04/16


10:30
Аналітычная праграма журналістаў радыё Свабода. Разам з гасцямі і запрошанымі экспертамі вядзецца дыскусія пра актуальныя палітычныя, эканамічныя і сацыяльныя праблемы мінулага тыдня. Журналісты закранаюць пытанні, важныя як для Беларусі, так і для ўсяго свету.
11:05
На баку таго, хто корміць: мінакі пра тое, чые інтарэсы бароняцца праваахоўнымі органамі. Ні па грыбы, ні па ягады: жыхары вёскі Люсіна на Ганцаўшчыне просяць захаваць іхны лес. На кароткім ланцужку: з працаўніком, які патрабаваў належнага заробку, не працягнулі кантракту. Крок за крокам да гуманізму: бадзяжную жывёлу будуць стэрылізаваць за бюджэтныя сродкі. Папулярнасць дапамагла: у Гомлі адстаялі філіял Веткаўскага музею.
11:30
Апошнімі гадамі па рынку наркотыкаў у Беларусі нанеслі моцны ўдар. Аднак пад раздачу трапілі сотні падлеткаў, якіх прызналі наркадылерамі і кінулі за краты на 6, 8, 12 гадоў. Ці справядліва даваць такія тэрміны за палову грама наркотыку? І кім выйдзе такі падлетак пасля 10 гадоў за кратамі?..
12:20
Кранальная гісторыя пра Яна Паўла II ва ўспамінах ягоных найбліжэйшых працаўнікоў. Яны распавядаюць, што цешыла Папу, пра ягонае стаўленне да палякаў, а таксама пра цяжкую хваробу і змаганне з ёю.
рэж. Кшыштаф Тадэй (Krzysztof Tadej), Ёанна Лінчук (Joanna Linczuk), 2005 г. , Польшча
13:20
Гэты вечар 14 лютага абяцае быць адмысловым у бровары “Рамантык”. Усе сталы замоўленыя, праца ў кухні ў самым разгары. Як раптам з’яўляецца былы каханак уласніцы бровару і прапаноўвае ёй з’ехаць у гэтую ж ноч у Буэнас – Айрэс. Нечаканы візіт – толькі пачатак вечара, у які перад гледачом раскрываецца цэлы калейдаскоп кахання. Тут і малады памочнік кухара, закаханы ў практыкантку, і баязлівы навуковец у чаканні першага спаткання, і сужэнства ў крызісе стасункаў. Побач з усім гэтым кіпіць рэстаранная праца – са спозненымі афіцыянтамі, раззлаванымі кухарамі і жаданнем атрымаць яшчэ адзін Кухарскі каўпак. Стужка для тых, хто цікавіцца не толькі каханнем, але і гастраноміяй.
рэж. Жаэл Вангуброўк (Jol Vanhoebrouck), 2012 г. , Бельгія
У галоўных ролях: Сара дэ Роо (Sara De Roo), Аксэл Дасэлейрэ (Axel Daeseleire), Кун дэ Боў (Koen De Bouw), Барбара Сараф’ян (Barbara Sarafian), Філіп Пээтэрс (Filip Peeters), Воўтэр Гэндрыкс (Wouter Hendrickx).
15:00
Кожны год на Вялікдзень Царква сустракае невычэрпны людскі натоўп. Многія прыходзяць сюды толькі раз на год. Што чакаюць людзі ад гэтага свята? На што спадзяюцца? Што шукаюць? Чаму менавіта гэты дзень?
16:55
Грамада старавераў у Менску налічвае каля 2000 чалавек, пераважна тых, хто прыехаў з Віцебскай і Гомельскай вобласцяў, або іхных нашчадкаў. Яны не маюць сваёй бажніцы. Але яшчэ 20 гадоў таму, калі да стараверства прызнаваўся толькі адзін з дзесяці іхных наступнікаў, – з гэтым праблемы не было: людзі для малітвы сустракаліся ў доме настаўніка Аляксандра Бялова. Цяпер жа ўсе не могуць змясціцца ў доме, каб зладзіць свята. Менавіта таму настаўнік і царкоўны камітэт спрабуюць пабудаваць у сталіцы малельню.
Святыню ўдалося знайсці – праўда, паміж беларускім і літоўскім памежнымі слупамі непадалёк Астраўца. На пачатку ХХ стагоддзя гэты будынак служыў вялікай мясцовай грамадзе старавераў. Побач з царквою – могілкі, дзе хавалі вернікаў з Падольцаў, Кемелішак, Міхалішак і Данілішак. Ідылія скончылася пасля таго, як паміж Літвою і Беларуссю правялі калючы дрот ды паставілі памежныя слупы. Жыхароў вёсак, размешчаных непадалёк ад мяжы, адсялілі. Стараверы могуць наведаць могілкі і памаліцца толькі адзін раз на год, што яны робяць 15 траўня – у дзень свята Узнясення Гасподняга. Яны моляцца на могілках родных і блізкіх, сустракаюцца з сябрамі. Стараверы з Менску лічаць, што святыню, якая неўзабаве можа спарахнець, трэба перавезці ў сталіцу, – толькі так яе можна ўратаваць ад поўнага знішчэння.
рэж. Юрый Каліна (Jerzy Kalina), 2010 г. , Польшча
18:45
Па Беларусі штораніцы разліваецца звон тысячы званоў. Праваслаўныя і каталіцкія, старыя і зусім новыя. Ад самых нізкіх басоў да найвышэйшых гукаў, амаль нячутных чалавечага вуху. У адной з менскіх цэркваў дзеіць адзіная ў краіне школа званароў. Кіруе ёю Багдан Бярозкін, з адукацыі музыка. Ужо шмат гадоў школа ні на дзень не спыняе сваёй дзейнасці. Не так даўно з яе сценаў выйшлі чарговыя дыпламаваныя званары, а ў інтэрнаце мы бачым новыя твары, для якіх гук званоў пакуль застаецца таямніцаю. Яшчэ большая таямніца – нараджэнне звона; маем магчымасць паназіраць за гэтым працэсам: у Менску працуе прадпрыемства, якое спецыялізуецца ў адліванні званоў – і для цэркваў, і для касцёлаў. І вяртаемся да школы званароў. Тут на адмысловых мацаваннях вісяць званы – вялікія і малыя; кожны з іх прывязаны вяроўкаю да понажаў. Тут будучыя званары знаёмяцца з сакрэтамі гукаў.
19:15
Беларускі відэаблогер і малады селянін Сямён, праваслаўны вернік, заўсёды меў філасофскія думкі пра жыццё, захапляўся матухнаю – прыродаю ды дзяліўся гэтым з усім светам. Ужо пяць гадоў ён з жонкаю і двума сынамі жыве ў вёсцы, гадуе авечкі. Здавалася б, радаснаму, гарманічнаму існаванню ў глушы нічога не можа перашкодзіць. Аднак мясцовым жыхарам, адміністрацыі ды старшыні калгасу не падабаецца незалежны лад жыцця маладое сямі, іхнае адкрытае ігнараванне агульных правілаў жыцця ў вёсцы ды гадоўлі жывёлы. Шэраг судовых справаў стамляюць Сямёна, ягоны відэаблог напаўняецца сарказмам у дачыненні ранейшых ілюзіяў пра рамантычнае жыццё на прыродзе, малітвы да Бога ўжо не дапамагаюць, і селянін пастанаўляе пайсці на рэзкі крок – галадаванне. У барацьбе з беларускаю судоваю сістэмаю гэта здаецца яму адзіным шанцам хоць неяк быць пачутым. Так ці інакш, галадаванне ператвараецца не столькі ў сацыяльны пратэст, колькі ў выпрабаванне сілы духу, веры ды любові.
рэж. Андрэй Куціла, 2017 г. , Беларусь
20:05
Неймаверныя гісторыі людзей, у жыцці якіх здарыўся цуд або якія былі сведкамі цуду. Гэта расповед не проста пра цудоўныя здарэнні, але і пра тое, як героі пераасэнсавалі сваё жыццё. Што цяпер яны лічаць найважнейшым, а што – неістотным? Альбэрт Шулчыньскі, выздараўленне якога прызнала Кангрэгацыя ў справах кананізацыі, што прычынілася да кананізацыі брата Альбэрта Хмелёўскага. Крыстына Бандык, якая адужала дзякуючы апецы сястры Бэрнардыны Яблоньскай. Сужэнства Макарэвічаў, дачка якіх была ў агоніі пасля аўтамабільнай аварыі ды выздаравела, паводле бацькоў, дзякуючы малітвам перад абразом Маці Божай Ружанастоцкай…
рэж. Кшыштаф Тадэй (Krzysztof Tadej), 2015 г. , Польшча
21:15
Экспрэсія, боль і любоў. Naka ў Belsat Music Live 15
Госці новага выдання аўтарскай праграмы Сяргея Будкіна рок – гурт Naka на чале са спявачкаю і акторкаю Настаю Шпакоўскай. У размове з Міраю Шульц яна паразважае, ці можа музыка паўплываць на развязанне сацыяльных праблемаў, ацэніць 12 – гадовы шлях сваёй каманды і патлумачыць, чаму рускі рок для яе больш не з’яўляецца крыніцай натхнення. У праграме прагучаць песні Naka са скрайняга альбому Мая малітва, а таксама ранейшыя гіты.
21:45
рэж. Робэрт Олтмэн (Robert Altman), 1992 г. , ЗША
Чыноўнік галівудскай кінастудыі Ґрыфін Міл вызначае, якія з прапанаваных сцэнароў запусціць у вытворчасць. У яго сотні ворагаў, бо большасці праектаў ён вымушаны казаць “не”. Міл пачынае атрымліваць паштоўкі з пагрозамі ад невядомага сцэнарыста.
23:45
Па Другой сусветнай вайне мінула дзевяць гадоў. Маладая маці Сьюзан, якія працавала ў Брытанскай дэшыфравальнай службе ў маёнтку Блэтчлі – Парк, пастанаўляе звярнуцца па дапамогу да сваіх колішніх сябровак са службы, каб выкрыць шэраг забойстваў.
00:50
рэж. Томас Шэфэр (Thomas Schaefer), 2008 г. , Нямеччына
Чым было хрысціянства ў раннія часы? Якім уяўлялі Ісуса – Сына Божага? Якімі былі прычыны пераможнага шэсця хрысціянства? Чым вера першых хрысціянаў адрознівалася ад сучаснай? Адказы на гэтыя пытанні можна знайсці ў катакомбах Вечнага гораду. Катакомбы – унікальная крыніца для даследнікаў, бо ніводнага дому, ніводнага касцёлу, збудаванага ў першыя стагоддзі тады яшчэ маладой рэлігіі, да нашага часу не захавалася.
01:45
Архімандрыт Гаўрыіл – праваслаўны манах з Падляшша ў Польшчы – заснаваўшы ля ракі Нараў скіт Кудак, пражыў некалькі гадоў у малітвах без электрычнасці, водаправоду, без усялякага доступу да вонкавага свету. Праз пяць гадоў мясцовыя праваслаўныя дапамаглі паставіць там драўляную царкву, дом для манахаў ды іншыя гаспадарчыя пабудовы. Неардынарная асоба манаха-пустэльніка Гаўрыіла прыцягвае паломнікаў, з кожным ён імкнецца знайсці агульную мову, дае карысныя духоўныя парады, лечыць зёлкамі, мёдам са сваёй пасекі. Калі трэба, ён закачвае рукавы і разам з усімі працуе на будоўлі скіту. Але найбольшы клопат для архімандрыта – тое, што ён пакуль не можа знайсці сабе пераемніка, бо ў сучасным свеце пустэльнаму манаху цяжка пражыць без доступу да цывілізацыі, камфорту і кантактаў з аднагодкамі…
02:35
Глядзі таксама
Каментары