Schedule of day 2017/01/08


09:10
Набліжаецца Святы вечар. У доме дзяўчынкі Ёасі калядную ялінку ўжо ўпрыгожылі, а стол – накрыты. Усе чакаюць, калі з’явіцца першая зорка, каб можна было сесці вячэраць. Тым часам высвятляецца, што калядную зорку нехта скраў. Разам з улюбёным плюшавым мядзведзікам Ёася выпраўляецца ў небяспечныя пошукі…
рэж. Ірэнэўш Чэсны (Ireneusz Czesny), Ежы Стэмпень (Jerzy Stępień), 1992 г. , Польшча
09:40
Штотыднёвая праграма на тэлеканале “Белсат”, героі якой – актуальныя сучасныя выканаўцы. Яны граюць жыўцом у студыі, а таксама абмяркоўваюць з вядоўцам надзённыя пытанні. Госці першае праграмы – гурты “Вурай” і “Палац”.
10:50
Каляды – час мараў і жаданняў, калі людзі вераць у іх здзяйсненне. Нашыя героі ішлі да сваіх мараў і ажыццявілі іх. Сёлета – яны пераможцы ды дзеляцца сваймі матывацыямі. Хтосьці здзейсніў уласную мару – Юры Зісер моцна схуднеў, а хтосьці здзівіў беларусаў: “Мужчына года” – Віталь Гуркоў, які перамог сусветны чэмпіянат і знайшоў каханне, “Жанчына года” – дэпутатка Ганна Канапацкая. Госцем першага эфіру будзе паэт Уладзімір Някляеў.
11:05
Каляды – час мараў і жаданняў, калі людзі вераць у іх здзяйсненне. Нашыя героі ішлі да сваіх мараў і ажыццявілі іх. Сёлета – яны пераможцы ды дзеляцца сваймі матывацыямі. Хтосьці здзейсніў уласную мару – Юры Зісер моцна схуднеў, а хтосьці здзівіў беларусаў: “Мужчына года” – Віталь Гуркоў, які перамог сусветны чэмпіянат і знайшоў каханне, “Жанчына года” – дэпутатка Ганна Канапацкая. Госцем будзе Юрый Зісер.
12:00
22 – гадовая іспанка Анхэля Руіс закахалася ў беларускую мову, якую саматугам вывучыла ў Іспаніі. Дзяўчына пачала пісаць вершы па – беларуску, калі яшчэ ніколі не бывала ў Беларусі. І калі першы раз сюды трапіла – была збянтэжаная: беларусы, да якіх яна звярталася па – беларуску, намагаліся ёй адказаць… па – англійску.
12:20
Канцэрт гурта “Крамбамбуля”, які адбыўся ў Тэатры імя Янкі Купалы ў Менску 22 красавіка 2010 г.
12:50
Канцэрт гурта “Крамбамбуля”, які адбыўся ў Тэатры імя Янкі Купалы ў Менску 22 красавіка 2010 г.
13:25
Для гомельцаў бяздомны блакітнавокі дзядок, які малюе “карцінкі”, мясцовая славутасць. Для мастацтвазнаўцаў – феномен, годны пільнай увагі, сурёзны і самабытны мастак. А для аўтараў стужкі – чалавек, які малюе не проста жыццё, а свой асаблівы погляд на яе, сваю філасофію, сваё ўяўленне пра дабро і зло. Вы пабачыце адзін год жыцця мастака Валерыя Ляшкевіча, які жыве не так, як усе. На першы погляд, ён здаецца дзіваком. Але калі прыгледзецца, у ягоным пошуку гармоніі можна выявіць больш здаровага сэнсу, чымся ў пагоні людзей за зманлівымі выгодамі. За вонкаваю стойкасцю і бескампраміснасцю героя не адразу атрымоўваецца заўважыць драму бясконца самотнага чалавека. Змяняюцца поры года, мінаюць людзі і лёсы, а ягонае жыццё спынілася замерла на “скрыжаванні”.
рэж. Настасся Мірашнічэнка, 2014 г. , Беларусь – Швецыя
14:45
Выглядае на тое, што гандаль алкаголю ў Беларусі абмяжуюць. Чарговы раз.
За гады незалежнасці ад алкаголю памерла больш за 400 тысяч беларусаў! Адкуль узялася такая лічба – неўзабаве адкажуць госці ў студыі. Але і нават паводле самых даступных статыстыкаў – беларусы стабільна ў самых пітушчых нацыях свету. І хоць проблескі надзеі ёсць.
Нягледзячы на ўсё гэта, дзяржава працягвае зарабляць на алкаголі, а мы – піць. Як жыць і не піць? Экспертнае меркаванне ў студыі ад кіраўніка наркадыспансэра ў Навінках Уладзіміра Іванова і аўтара “Сіняй кнігі беларускага алкаголіка” Анатоля Астапенка.
15:15
Віцебск з самага глыбокага сярэднявечча меў моцныя абарончыя ўмацаванні, як і належала багатаму гораду на беразе Дзвіны вялікага гандлёвага шляху. Пазней, з XVI ст. , разбудова і ўмацаванне віцебскіх замкаў сталаcя жыццёва важнаю справаю з нагоды блізкага суседства агрэсіўнае Маскоўскае дзяржавы. Як сёння выглядаюць тры даўнія віцебскія замкі? Што ад іх засталося? Наколькі яны вывучаныя і што пра іх ведаюць самыя віцябляне?
15:35
Калісьці Аляксей Шчадроў працаваў фельчарам у хуткай дапамозе. Па выкліках часта даводзілася забіраць на вуліцах бяздомных людзей, але праз некалькі кіламетраў брыгада ізноў выкідала іх на вуліцу. Трапіўшы за краты, Аляксей сам аказаўся нікому не патрэбны. Турма перавярнула светапогляд былога фельчара. Яго ідэалам стала маці Тэрэза ўвасабленне хрысціянскага ўзору трываласці, міласэрнасці ды любові да адрынутых. Па вызваленні Аляксей некалькі гадоў бадзяўся і жыў пры касцёлах. Пасля пасяліўся ў вёсцы Аляксандраўка Шчучынскага раёну, дзе зарганізаваў незвычайны прытулак, стаў прымаць і даглядаць бедных, знямоглых людзей, дапамагаць ім аднавіць дакументы і вярнуцца да нармальнага ладу жыцця. Неўзабаве неабыякавыя беларусы пачалі дапамагаць прыстанку ежай, адзеннем ды іншым. Але мясцовым уладам ініцыятыва Аляксея прыйшлася недаспадобы. З самага заснавання і цягам трох гадоў складанага існавання чыноўнікі прымушалі былога фельчара зачыніць прытулак. У пошуках ахвяраванняў і духоўнага падтрымання Аляксей выправіўся ў Італію.
16:35
Спадар Вэрнёй і ягоная жонка – добрасумленнае сужэнства каталікоў, бацькі чатырох дачок – прыгажунь. У іх няма праблемы выдаць дачок замуж. Тры дзяўчыны ўжо знайшлі сваё шчасце. Вось толькі мужы, на думку бацькоў, не найлепшыя: адзін – кітаец, другі – араб, трэці – габрэй. Прыйшоў час, і чацвёртая дачка паведамляе радасную навіну: яна таксама выходзіць замуж. І ейны жаніх – чарнаскуры…
рэж. Філіп дэ Шаўрон (Philippe de Chauveron), 2014 г. , Францыя
У ролях: Крыстян Клявіе (Christian Clavier), Шанталь Лёбі (Chantal Lauby), Ары Абітан (Ary Abittan), Мэдзі Садун (Medi Sadoun), Фрэдэрык Шо (Frdric Chau), Нум Д’яўара (Noom Diawara), Фрэдэрык Бэль (Frdrique Bel), Жулья П’ятон (Julia Piaton).
18:35
Што вязуць беларусы замежным сябрам? Магніцікі з зубрамі і бусламі, гарэлку, цукеркі. Мінчук Аляксей Каралёў распачаў выпуск уласных сувеніраў”пра Беларусь”, каб змяніць гэтую панылую сітуацыю. Ягоны брэнд Vitаem стаў вядомым і палюбіўся беларусам.
19:25
рэж. Айтар Арэгі (Aitor Arregi), Хасэ Мары Гаэнага (Jose Mari Goenaga), 2007 г. , Іспанія
У ролях: Рамон Агірэ (Ramón Agirre), Ралян Дзюма (Roland Dumas), Антоньё Марцін (Antonio Martn).
Такога чалавека штодня не спаткаеш: Люсьё Уртуб’я быў кантрабандыстам і дэзерцірам, рабаваў банкі, вырабляў фальшывыя грошы і дакументы. Гэты анархіст і рэвалюцыянер, якога шукала паліцыя не адной краіны, нічога не браў сабе, крадучы мільёны. Не забіваў, хоць і не верыў у Бога. Ратаваў тысячы людзей, не ведаючы іх асабіста. Просты муляр, ён абмінуў процьму пастак сістэмы і застаўся шмат для каго Робінам Гудам ХХ стагоддзя.
21:30
У жыцці маладога мадрыдца Сэсара вонкава нічога не бракуе – пасля смерці бацькоў яму засталося ў спадчыну дастаткова грошай, каб ён мог дазволіць сабе ўсе магчымыя асалоды. Прывабны выгляд Сэсара і заможнасць магнітам прыцягваюць да яго дзяўчат. Аднак Сэсар вядомы тым, што з ніводнаю дзяўчынаю ніколі не спіць двойчы. Толькі калі на ягоныя народзіны сябар прыводзіць з сабою Сафію, Сэсар адчувае, што закахаўся. Тым не менш, папярэдняя каханка хлопца не збіраецца гэтак лёгка адмаўляцца ад сваёй здабычы. Ейная настойлівасць урэшце прыводзіць да няшчаснага здарэння, якое перакульвае ўсё Сэсарава жыццё.
рэж. Алехандра Амэнабар (Alejandro Amenbar), 1997 г. , Іспанія
У ролях: Эдуарда Нар’ега (Eduardo Noriega), Пенелопа Крус (Penlope Cruz), Чэтэ Лера (Chete Lera), Фэле Марцінэс (Fele Martnez), Наджўа Німры (Najwa Nimri).
23:25
Штотыднёвая праграма на тэлеканале “Белсат”, героі якой – актуальныя сучасныя выканаўцы. Яны граюць жыўцом у студыі, а таксама абмяркоўваюць з вядоўцам надзённыя пытанні. Госці першае праграмы – гурты “Вурай” і “Палац”.
00:50
рэж. Эльвіра Невера і Пётр Расалоўскі (Elwira Niewiera і Piotr Rosołowski), 2014 г. , Польшча – Нямеччына
Оперная спявачка Наташа кідае сямю ў Расеі ды выпраўляецца да свайго каханага Рафаэля ў Абхазію…. Пакуль міністр спорту Рафаэль заняты арганізацыяй міжнароднага чэмпіянату па даміно, закліканы прыцягнуць увагу да маленькай горнай рэспублікі па грамадзянскай вайне і пазначыць яе на мапе свету, ягоная расейская жонка перажывае драматычныя моманты. Стужка – адзін з гітоў дакументальных фестываляў апошняга года паводле колькасці прызоў і паказаў.
02:05
Глядзі таксама
Каментары