Фота на застаўцы radzima.org
Бабруйскі касцёл – да гэтага часу не цалкам належыць каталікам.
У святыні, пабудаванай у пачатку 20-га стагоддзя, у 1968-ым годзе камуністы знеслі вежу і забудавалі яе пяціпавярховым будынкам. Парафіяне, якія змагаліся за касцёл пры саветах, працягваюць змагацца і цяпер. Год таму яны распачалі збор подпісаў з патрабаваннем ад уладаў вярнуць касцёлу гістарычны выгляд. Кампанія ўвесь час пашыраецца, да яе падключаюцца ня толькі каталікі, але і неабыякавыя жыхары Бабруйску.
Іншыя тэмы праграмы «Рэпартэр»:
Шэсць гадоў у Гулагу – кароткі, але трывалы след у 90-гадовым жыцці Міколы Конана
Мікола Конан быў асуджаны ў справе Саюзу беларускіх патрыётаў, хаця да іх і не належаў.
Камуністычныя ўлады асудзілі яго за тое, што ён па просьбе сябра пад капірку напісаў пяць копіяў прысягі, якую давала моладзь, уступаючы ў гэты саюз. З дзесяці гадоў ён адседзеў шэсць, у 1954-ым прыняў удзел у Нарыльскім паўстанні зняволеных, якое лічаць найбуйнейшым у гісторыі Гулагу. Не зважаючы на свой сталы век і перанесеную хваробу, ён выглядае яшчэ бадзёра ды цікавіцца тым, што адбываецца ў Беларусі і па-за яе межамі.
Як знайсці выйсце са складаных сітуацыяў?
Андрэй і Алена Відарэнкі з Віцебску здзейснілі шматгадовую мару – паляцелі ў адпачынак у Ізраіль.
Вакацыі былі цудоўныя. Але калі вярталіся дахаты, выязджаючы аўтамабілем з Кіеўскага аэрапорту, жыццё падкінула ім неспадзяванку, зусім не такую, пра якую яны марылі.
