Размова дня За грошы пенсіянераў фінансуюць дзяржаўныя праграмы


Як беларусы перадпенсійнага ўзросту і ўласна пенсіянеры паставіліся да рашэння ўладаў павысіць пенсійны ўзрост? І як наагул жывуць грамадзяне на пенсіі?Кіраўніца аб’яднання пенсіянераў «Наша пакаленне» Таццяна Зялко кажа, што пенсіяў «ледзь хапае на тое, каб аплаціць камунальныя паслугі, купіць хлеб-малако, не кожны дойдзе да аптэкі – няма за што там нешта набыць».Апрача малых пенсіяў, яна наракае на цьмяную сістэму вылічэння іх памераў і непразрыстае расходаванне сродкаў Фонду сацыяльнай абароны насельніцтва: «Пенсійны фонд датуе дзяржаўныя праграмы, грошы не вяртаюцца», – заяўляе яна.Адна з прапановаў арганізацыі – пераразмеркаваць пенсіі, бо сёння былыя міліцыянеры, вайскоўцы, чыноўнікі атрымліваюць пенсіі па Br 8-10 млн, што ў некалькіх разоў болей, чым у звычайных грамадзянаў.Падрабязней – у «Размове дня» з Уладзімірам Мацкевічам.

Каментары