Прыйшоўшы з турмы, прадпрымальнік адразу атрымаў спавешчанне пра неабходнасць выплаціць запазычанасць Фонду сацыяльнае абароны насельніцтва. Затым саспела чарга падатковае інспекцыі, а цяпер ад Андрэя патрабуюць і тэрміновае выплаты штрафу. Да таго ж аўтамабіль, якім кіруе ягоная цяпер цяжарная жонка, таксама патрапіў пад арышт. А без аўта прадпрымальніцкая дзейнасць Андрэя спыніцца.
Прадпрымальнік не адмаўляе сваёй віны ды гатовы сплочваць штраф. Мясцовыя судовыя выканаўцы падтрымалі просьбу прадпрымальніка аб прадстаўленні яму растэрмінавання ў аплачванні штрафу і зняцці арышту з аўта. Цяпер абласны суд будзе вызначаць, што рабіць з грузавым аўтамабілем Андрэя і ці даваць яму магчымасць разлічыцца з дзяржаваю паступова.