У нашую праграму па дапамогу звярнуліся жыхары сталіцы. Яны распавялі, што ў іхным двары на вуліцы Сямёнава за два месяцы адбылося ажно 5 пазапланавых адловаў бадзяжнае жывёлы.
ЖЭСы мусяць рэагаваць на скаргі грамадзянаў пра чатырохногіх бесхацінцаў, выклікаючы адпаведную службу. Звычайныя захады барацьбы з бадзяжнаю жывёлаю ў нашай краіне – адлоўліваць і пасля ўсыпляць.
Гэта нярэдка прыводзіць да канфліктаў паміж жыхарамі ды лаўцамі. Да таго ж выезд службы каштуе каля Br 300. Грошы з бюджэту камунальнікам вылучаюць менавіта на тое, каб адлавіць жывёлу і даставіць яе ў пункт часовага ўтрымання. Але стэрылізацыя не прадугледжаная.
Праграму «Маю права» глядзіце кожную сераду а 18:55 на тэлеканале «Белсат» праз спадарожнік «Астра 4A» (ранейшая назва -«Sirius 4»), а таксама онлайн на нашай старонцы.