Палітолаг падводзіць у эфіры «Белсату» вынікі паездкі кіраўніка Беларусі ў Пекін.
«Знаходзячыся побач з такім сусветнымі лідарамі яе Сі Цзінь Пін або Уладзімір Пуцін, Лукашэнка адчувае сябе часткай вялікай мазаікі палітычных правадыроў, хаця на самой справе гэта не так, гэта асабістае меркаванне Лукашэнкі, – кажа Усаў. – Беларусь у рэгіёне усур’ёз ніхто не ўспрымае як палітычнага або эканамічнага гульца».
«Беларусы не аддаюць сабе справы, што тыя крэдыты, якія набірае Лукашэнка з азіяцкага стала, нам прыйдзецца аддаваць – з вялікімі адсоткамі», – кажа палітолаг.
Паводле Усава, найвялікшая праблема ў тым, што гэтыя грошы не пойдуць на развіццё гаспадаркі.
Кітайскія грошы Лукашэнку патрэбныя каб утрымацца ўва ўладзе, лічыць Усаў.
«Частка грошай апынецца ў кішэнях тых, хто будзе гэтыя крэдыты перанакіроўваць, а частка – будзе выкінутая на вецер», – кажа госць студыі.
– Нашым дзецям і ўнукам прыйдзецца аддаваць грошы, ад якіх Беларусь нічога не атрымала ў рэчаіснасці. Пакуль сюды прыйдуць тэхналогіі, праз 30 гадоў, свет настолькі пакрочыць наперад, тое, што будзе пабудавана ў Беларусі, нікому не будзе патрэбна. А грошы трэба будзе аддаваць – а з чаго аддаваць?».