Размова дня Уладзіслаў Ахроменка: Беларусы не зменяцца і праз сто гадоў


У Купалаўскім тэатры адбылася прэм’ера спектакля паводле аповесці Максіма Гарэцкага «Дзве душы», які паставіў рэжысёр Мікалай Пінігін. Адзін з аўтараў драматургічнае версіі знакамітага твора беларускай літаратуры Уладзіслаў Ахроменка распавёў на «Белсаце» пра тое, як п’еса пісалася і чаму «Дзве душы», напісаныя сто гадоў таму, актуальныя і цяпер.«Калі мы з Максімам Клімковічам пачалі яе пісаць, трэба было выпрацаваць сістэму дамінантаў. І адна з дамінантаў – дваістасць душы беларусаў. Ігналік Абдзіраловіч – анатомія беларускай душы», – кажа Ахроменка.

«Я думаю, што беларусы не змяніліся і за гэтыя сто гадоў. І не зменімся мы праз сто, дзвесце гадоў. Гэта можа набыць іншыя формы, сэнсы, але прынцып расцяжкі на плюсы і мінусы, палярнасці ў душы застанецца», – лічыць пісьменнік.

Падрабязней у «Размове дня» з Уладзімірам Мацкевічам.

Каментары