Кожны з нас Мулявін трапіў у Беларусь пасля бойкі ў расейскай прыбіральні


Шмат хто думае, што Уладзімір Мулявін нарадзіўся ў Беларусі. Насамрэч ягоная радзіма – расейскі Екацярынбург (у савецкія часы – Свярдлоўск).

У «Вікіпедыі» ёсць дзяжурная фраза: «У 1963 годзе быў запрошаны на працу ў Менскую філармонію». Усё было нашмат складаней і цікавей. Уладзімір Мулявін трапіў у Беларусь выпадкова, пасля бойкі ў вакзальнай прыбіральні ў расейскім горадзе Томску. Яму пашанцавала, бо ў той жа момант там апынуўся гімнаст-віртуоз Аляксандр Ван Лі.

Чаму завязалася бойка, як спартовец выратаваў будучую зорку беларускай эстрады і чаму Уладзімір Мулявін вырашыў ехаць у Менск, у студыі ток-шоу «Кожны з нас» распавядае сп-ня Зоя, жонка Аляксандра Ван Лі.

Поўнае выданне ток-шоу «Кожны з нас», прысвечанае Уладзіміру Мулявіну

Цягам праграмы людзі, якія ведалі легендарнага заснавальніка ансамблю «Песняры», раскажуць пра яго без купюр. Пра светлыя і цёмныя бакі творцы, пра малавядомыя і суперцікавыя эпізоды з яго біяграфіі.

У праграме закранаецца праблема таго, як зноўку вывесці беларускую музыку на недасягальны ўзровень, куды яе ўзнёс Уладзімір Мулявін. Другая праблема: чаму беларускія музыкі грэбуюць роднай мовай, калі маюць перад сабой прыклад музыкі з Расеі, які змог, дзякуючы беларушчыне, здабыць дзясяткі мільёнаў фанатаў.

Глядзі таксама
Каментары