Агляд падзеяў культуры У Менску праходзіць тыдзень дызайну


Вуліца Зыбіцкая, што ля Траецкага прадмесця, на пэўны час аздобілася дызайнерскімі лаўкамі, арэлямі, скульптурамі ды інсталяцыямі. А некаторыя архітэктары выправілі свае аб’екты ў плаванне па Свіслачы.https://www.youtube.com/watch?v=6WRWsVZunXg&feature=youtu.beСваё бачанне мэблі для гораду прэзентавалі каля 30 дызайнераў. Менчукі гушкаюцца на арэлях «Калыханка», разглядаюць жалезную жамяру Васіля Сасімовіча ды рэлаксуюць у незвычайных фатэлях з базальтавага валакна распрацоўкі амерыканскіх і латвійскіх дызайнераў. З серады, калі дазволіць надвор’е, у Верхнім горадзе будуць таксама танцы і турніры па гіганцкіх шахматах.Андрэй Каравянскі, арганізатар:

«Вось гэта ўся фестывальная пляцоўка адбываецца дзякуючы патранажу мэра. І нам была прапанаваная прастора ракі Свіслач з усталяваннем разнастайных форм для гнездавання вадаплаваючых птушак».

Вось такое «Дрэва жыцця» прысвечанае нядаўна пабудаванаму дзіцячаму госпісу, для якога цяпер збіраюць грошы на ўладкаванне тэрыторыі. А гэтак уяўляюць сабе ідэальны менскі хмарачос студэнты на чале з архітэктарам Георгіем Заборскім. З яго вядзецца здымка, і можна назіраць, што адбываецца навокал, на сайце праекту.Ніка Пятрухіна, архітэктарка:

«Вось у нас атрымаўся такі макет ідэальнага хмарачоса, у якім фільтруецца вада са Свіслачы. На ім растуць зялёныя расліны для качак і людзей. Таксама гэты хмарачос падсвятляецца».

Бліскучы надпіс, што адразу чытаецца як «дызайн», бачны з узбярэжжа парку Янкі Купалы. Але гэта толькі верхавіна айзбергу: пад вадою хаваецца слова Resign», перакладаецца яно ў тым ліку як «адстаўка». Інсталяцыю зрабіла арт-група «Хутка-смачна».Тыдзень дызайну працягнецца да 29 красавіка. У Футбольным манежы таксама праходзіць выстава інтэр’ернай мэблі, там жа адбываюцца шматлікія лекцыі ды майстар-класы.Аляксандра Дорская, Марына Вашкевіч

Каментары