Гарачы каментар У беларускай банкаўскай сістэме ёсць нешта ад казіно


Дзе ўзяць грошы, калі іх няма? У межах нашае краіны гэтае пытанне найчасцей вырашаецца альбо праз новыя штрафы альбо новыя падаткі.Заўтрашні Дзень дурня адкрые новы этап у стасунках грамадзянаў і банкаў, а дакладней – грамадзянаў і дзяржавы за пасярэдніцтвам банкаў. АД 1 красавіка новыя дэпазіты будуць абкладацца 13-ціадсоткавым падаткам з адсоткаў па ўнёсках. Пабор будзе здзейснены ў тым выпадку, калі ўнёсак у беларускіх рублях будзе адкрыты менш чым на год, у замежнай валюце – менш чым на два гады. А таксама калі вашая адсоткавая стаўка будзе большая за адсоткавую стаўку па банкаўскім унёску да запатрабавання. Пры гэтым грошы на новы падатак банк спіша з вашага рахунку і накіруе падаткавікам самастойна.Сітуацыю з новым падаткам на дэпазіты каментуе эканаміст Леанід Злотнікаў.– Новы падатак на дэпазіты гэта крок бліжэй да народу, банкаўская рэформа ці абдзіранне?– Цяпер у дзяржавы няма грошаў, таму шукаюць крыніцы, дзе ўзяць. А другое – падштурхнуць насельніцтва ўкладваць на два гады і больш, таму што там гэтыя падаткі ўжо не спаганяюцца.– На колькі гэты крок будзе эфектыўным?– Апошнія месяцы паказваюць, што людзі пачалі менш укладаць. Больш за тое, зʼяўляецца лёгкая паніка, бо людзі пачынаюць задумвацца, ці дзяржава не праесць гэтыя грошы, а пазней невядома што будзе.– Наколькі выгадна ўкладаць грошы ў беларускую банкаўскую сістэму?– Калі адкінуць некаторыя рызыкі, то 4 % гэта неблагі адсотак, параўноўваючы да суседніх краінаў. Гэты адсотак цяпер прываблівае і расейскія грошы. Але такіх высокіх рызыкаў, як у нашых банках, няма ў суседніх краінах.

Што думаюць магілёўцы пра падатак на дэпазіт

Дэпазітныя абмежаванні: юрыдычныя асобы не змогуць шмат зарабляць на банкаўскіх укладах

ДР, belsat.eu

Глядзі таксама
Каментары