Мова Нанова Ці былі вядомыя нашым продкам «партнёрскія роды»?


Ці былі вядомыя нашым продкам «партнёрскія роды»? Што такое кувада? Як вызначалі пол дзіцяці па знешнасці цяжарнай? Якія функцыі пры нараджэнні дзіцяці выконвалі павітуха і «бабка»? Для чаго рабіліся лялькі-спавівашкі? Як звычайна немаўляці абіралі імя?

Пра гэта і шмат пра што іншае распавядзе вядоўцам перадачы Глебу Лабадзенку і Алесі Літвіноўскай даследчыца радзінных традыцый беларусаў, стваральніца сайта vroddom-belarus.by Святлана Аўчыннікава.

Цяжарная – жанчына, якая выношвае дзяцятка, рус. беременная

Парадзіха – жанчына, якая толькі што нарадзіла

Немаўля/немаўлятка – дзіця, якому зроду ад некалькі хвілін да месяца (НВ немаўля, РДМ немаўляці, немаўлём; мн. немаўляты, РВ немаўлят, немаўлятам, немаўлятамі, немаўлятах); рус. младенец

Дзіця / дзіцё – рус. ребенок (НВ дзіця, РДМ дзіцяці, дзіцем / дзіцём; мн. дзеці, РВ дзяцей, дзецям, дзецьмі, дзецях)

Народзіны – з’яўленне немаўляці на свет

Радзіны – звычаі і абрады, якіх прытрымліваліся, калі жанчына зацяжарыла, пры народзінах, пасля іх, пры хрышчэнні, хрэсьбінах і да 1 года дзіцяці

Павітуха – жанчына сталага веку, часцей за ўсё ўдава, якая сама ўжо перастала нараджаць

Бабка («прыёмная бабка») – часцей за ўсё сваячка, якая дапамагала павітусе прымаць роды, пераразала пупавіну, упершыню купала дзіця і станавілася ягонай «бабкай»

Кувада – дапамога мужа сваёй жонцы пры доўгіх і складаных родах

Хрышчэнне – хрысціянскі абрад (таямніца) прыняцця чалавека да ліку вернікаў і наданне асабістага імя

Хрэсьбіны – святкаванне хрышчэння дзіцяці

Святцы – кніга з імёнамі святых і часам святаў у іх гонар

Святар – рус. священник

«Любімчык» – дзіця сяброў святара. Святар часцей за ўсё называў немаўлятак у адпаведнасці са Святцамі. Але, калі бацькі былі яго сябры, то даваў імя па іх жаданні

Прымхі – рус. суеверия

Забабоны – рус. предрассудки, суеверия

Сурокі – рус. сглаз

«Бабіна каша» – грэцкая / ячная / прасяная / рысавая каша, звараная ўкрутую з вялікай колькасцю малака, масла / сала і мёду, упрыгожаная жывымі кветкамі / цукеркамі

Радзільня = радзільны дом

Каментары