Гарачы каментар Стваральнік «Кошт ураду»: Дзяржзакупы ўсцяж карумпаваныя


Амаль паўмільярда рублёў за аўтамабіль на патрэбы чыноўнікаў. Рэспубліканскае ўнітарнае прадпрыемства «Віцебскаблгаз» абвесціла тэндар на пакупку легкавога аўтамабіля «Пэжо 508» коштам 480 мільёнаў рублёў. І гэта толькі адзін з прыкладаў дарагіх дзяржаўных закупаў.Інфармацыю пра тэндар апублікаваў партал «Народныя навіны Віцебску». Мяркуючы паводле заяўленага кошту, гаворка пра мадэль, на некалькі тысяч долараў даражэйшую за аўтамабіль базавай камплектацыі. Яна адрозніваецца скураным салонам, празрыстым Head-Up-дысплэем ды іншымі навінкамі матарызацыі.Тым часам больш як шаснаццаць тысяч грамадзянаў падпісаліся пад петыцыяй з заклікам перасадзіць беларускіх чыноўнікаў на таннейшыя аўтамабілі маркі «Джылі» супольнай вытворчасці Беларусі ды Кітаю.У «Гарачым каментары» Уладзімір Кавалкін, стваральнік праекту «Кошт ураду».«Дзіўныя пакупкі ў нас узнікаюць увесь час. Чыноўнікі на фоне крызісу сапраўды набываюць сабе дарагія аўтамабілі альбо нешта іншае. Напрыклад, адзін з калгасаў закупіў бычкоў на паўтары мільярдаў еўра. А віцебская птушкафабрыка пакупала на 11 квадрыльёнаў беларускіх рублёў абсталяванне для забою птушак, а гэта тры бюджэты Беларусі».

«Наша старонка будзе аўтаматычна выяўляць падазроныя дзяржзакупы і журналісты, грамадзяне, усе будуць бачыць гэта. Можа гэта не дапаможа нам на сто адсоткаў перамагчы махінацыі, але ўскладніць жыццё карумпаваным чыноўнікам», – кажа Уладзімір Кавалкін.

ДР, belsat.eu

Тэгі: 
Каментары