Свет Што азначае палёт Су-24 над «Дональдам Кукам»?


Расейскія вайсковыя самалёты правялі палёты над эсмінцам ЗША «Дональд Кук» у Балтыйскім моры. Пентагон заявіў, што дзеянні расейцаў маглі прывесці да сутыкнення.Сімуляцыя атакі на адлегласці менш за дзесяць метраў. Гэтак капітан амерыканскага эсмінца Доналд Кук апісаў налёты расейскіх Су-24. Пры гэтым адзначаецца, што правакацыйныя дзеянні працягваюцца некалькі дзён.«Белы дом ведае пра здарэнні ў Балтыйскім моры. Нам паведамілі пра расейскія самалёты, якія выконваюць палёты на небяспечнай адлегласці ад вайсковага карабля ЗША – заявіў прэсавы сакратар Белага дому Джош Эрнэст.Пілоты самалётаў не адказвалі на радыёпаведамленні каманды эсмінца. Амерыканскія вайскоўцы адзначылі таксама прысутнасць расейскага верталёта, з якога, імаверна, вялося відэаздыманне.

Пэнтагон назваў дзеянні пілотаў небяспечнымі, патэнцыйна правакацыйнымі, якія маглі прывесці да сутыкненняў.«Гэтае здарэнне ніяк не адпавядае прафесійным нормам, якія мусяць выконваць вайсковыя сілы, што працуюць у беспасярэдняй блізкасці ў міжнароднай воднай і паветранай прасторы», – кажа Джош Эрнэст.Са свайго боку Міністэрства абароны Расеі заявіла, што летакі выконвалі планавыя вучэбныя палёты. Заўважыўшы амерыканскі эсмінец, яны папросту абмінулі яго з захаваннем усіх нормаў бяспекі. Таму расейскі бок не разумее такой балючай рэакцыі амерыканскіх калегаў. Паводле экспертаў, выпадковым інцыдэнт лічыць не даводзіцца.«Гэты карабель асаблівы. Ён уваходзіць у склад еўрапейскага шчыта антыбалістычнага. Гэта адзін з чатырох такіх караблёў гэтай сістэмы. Эсмінец мае сучаснае антыбалістычнае абсталяванне», – кажа рэдактар парталу «Defence24» Анджэй Гладый.Гэта не першая правакацыя супраць карабля, які плавае непадалёк мяжы з Расеяй. Падобная сітуацыя мела месца ў 2014 годзе, падчас крымскага крызісу. Тады гэты карабель з’явіўся на Чорным моры, але гэта быў далёка не апошні інцыдэнт: пасля пачатку расейска-ўкраінскага канфлікту гэткія сітуацыі сталі надзвычай частыя.Краіны НАТО і партнёры альянсу рэгулярна фіксуюць парушэнне паветранай прасторы і тэрытарыяльных водаў, сімуляцыі атакаў ды небяспечныя набліжэнні расейскіх летакоў.

«Гэта свайго роду дэманстрацыя сілы. Яны хочуць паказаць сваю прысутнасць, што сочаць за караблём, якія з’явіўся недалёка ад іхнай мяжы. Магчыма, гэта спроба запужаць», – лічыць Анджэй Гладый.

Падчас сірыйскай вайны парушэнне паветранай прасторы Турцыі прывяло да збіцця расейскага летака.Ян Бабіцкі

Каментары