Шоу з пераўвасабленнямі ад Сяргея Пукста ў «Belsat Music Live»


Шматаблічны Пукст адразу з чатырма сваймі праектамі стаў госцем аўтарскай праграмы Сяргея Будкіна «Belsat Music Live».

Ён мог быць разбяром па дрэве, або хадзіць на працу ў філарманічны аркестр, ці зрабіць дыпламатычную кар’еру, але ад усяго гэтага адмовіўся на карысць музыкі. У размове з вядоўцай Мірай Шульц артыст распавядзе, што трэба рабіць, калі ў гэтым свеце табе зацесна, чаго ён шукае ў авангарднай музыцы, панку, рэпе і шансоне, навошта было абвяшчаць пра сыход са сцэны і вяртацца.

У праграме прагучаць абраныя нумары з сольнага праекту Сяргея Пукста і ягонага альтэр-эга Георгія Дабро, песні ягонага гурта «Pukstband» і праекту «True Litwin Beat».

Песні, якія гучаць у праграме:

  • Сяргей Пукст – «Трыумф волі» (словы і музыка Сяргея Пукста)
  • «Pukstband» – «Я люблю тебя» (словы і музыка Сяргея Пукста)
  • «Pukstband» – «Не было тебя» (словы і музыка Сяргея Пукста)
  • «True Litwin Beat» – «Сердце» (словы Сяргея Пукста, музыка Яўгена Бялова)
  • Георгій Дабро – «Без надежды» (словы Сяргея Пукста, музыка Яўгена Бялова)