Агляд падзеяў культуры Раман на заклад Юрыя Станкевіча


Неадназначны барысаўскі празаік Юрый Станкевіч выдаў новую кнігу «Паўночны вецер для спелых пладоў». Пісьменнік пазбягае публічнасці, таму інтрыгаю было, ці з’явіцца ён на ўласнай прэзентацыі. І ён прыехаў.https://www.youtube.com/watch?v=-lX6BM-UmN0&feature=youtu.beАўтар змрочных антыўтопіяў і суворых аповедаў на балючыя тэмы, яго любяць за вострасюжэтнасць ды не прымаюць за радыкальныя правыя погляды. І вось новая правакацыя – Станкевіч нечакана напісаў раман пра каханне. І зрабіў гэта, пайшоўшы ў заклад, паспрачаўшыся са сваім сябрам мастаком Алесем Пушкіным:ЮРЫЙ СТАНКЕВІЧ, ПІСЬМЕННІК:

«Неяк ён завітаў да мяне і кажа: ты пішаш шмат пра што, тэмы розныя, а пра каханне ты, пэўна, не можаш нічога напісаць. У цябе каханне абмяжоўваецца чыстай фізіялогіяй. Якраз такая спёка стаяла, і я кажу: давай на заклад, што напішу».

Невялікі раман узнік усяго за тры тыдні. Пісьменнік прызнаецца, што гісторыя на 90 адсоткаў аўтабіяграфічная, яна адбылася ў далёкія студэнцкія часы, але ў творы ёсць паралелі з сучаснасцю. І ўсё ж, ведаючы аўтара, наўрад ці можна разлічваць на рамантычнае сентыментальнае чытво.ЗМІЦЕР ВІШНЁЎ, ВЫДАВЕЦ:

«Я думаю, што сентыментальнасцю тут і не патыхае. І добра, сентыментальных пісьменнікаў у нас досыць, а вось такіх несентыментальных у нас мала».

Апроч раману, у кнізе дзве аповесці ранейшых гадоў – «Эрыніі» і «Песня пра Леніна», а таксама некалькі апавяданняў. Гэта ўжо пятая кніга Юрыя Станкевіча, што выйшла ў «Галіяфах». Выдавец Зміцер Вішнёў зрабіў яе асабліва прыгожаю, у цвёрдай вокладцы, бо ўпэўнены: яна галоўны прэтэндэнт на прэмію Гедройца.Іншыя тэмы: дуэт «Berta & Piano» ў клубе «Графіці»; гарадзенскі гурт «Дзецюкі» прэзентаваў на старонцы Tuzin.fm песню пра Тадэвуша Касцюшку.Аляксандра Дорская, Марыя Арцыбашава, Ірына Дарафейчук

Каментары