Тры гады таму фантастыка з назвай «Вартавыя галактыкі» нечакана зрабілася глабальным гітом. Вядома, што вялікія касавыя зборы вымушаюць прадзюсараў выдумляць невядома што, але ператвараць арыгінальны фільм у франшызу. Неўзабаве мы даведаемся, ці паўтораць Янот і ягоныя сябры поспехі іхнай першай галактычнай прыгоды?
Сусветная прэмʼера новай серыі «Вартавых галактыкі» адбылася ў Японіі ў Токіа. Натуральна, што натоўпы фанаў пашылі сабе касцюмы розных марвэлаўскіх персанажаў на гэтую прэмʼеру…
«Першы фільм зрабіў нас экспертамі ва ўсіх экранных і галактычных справах. І што нам было рабіць тут? Скакаць яшчэ вышэй? Адкрываць губы яшчэ шырэй? Бегаць па дроце? Гэта справы статыстаў. МЫ прыдумалі добры сюжэт», – распавядае акторка Зоўі Салдэна.
Ну а рэжысёр Джэймз Ган пазіраваў перад камерамі, нібы сам працаваў акторам у сваёй стужцы:
«Найвялікшая цяжкасць была ў тым, што паказваць, што расказваць пасля такой паспяховай першай серыі. Здавалася, што ўжо аджартаваліся, тэма вычарпаная. А тут трэба выдумляць новыя жарты на старыя тэмы. Галоўным было адшукаць новы сюжэт».
На прэс-канферэнцыі з нагоды прэмʼеры прадставілі аніматронную ляльку таго янота, які ў першым фільме быў надта паспяховым.
Беларускі пракат «Вартавых галактыкі» распачнецца з 4 траўня.
Сяргей Філімонаў
