Госці першага выдання «Belsat Music Live» – гурт «Vuraj», названы «Героем года – 2016» у беларускай музыцы ў версіі парталу Tuzin.fm.
Міра Шульц гутарыць з Сяргеем Доўгушавым пра запатрабаванасць і актуальнасць народных песень, а таксама пра юнацтва ў Воршы, вучобу ў кулінарным тэхнікуме і калядны стол. Музыкі жыўцом сыграюць тры песні, адна з іх упершыню прагучыць на публіку.
Госці другой часткі праграмы – заснавальнікі стылю фолк-мадэрн, гурт «Палац». З Алегам Хаменкам гутарым пра тое, як святкаваць Каляды ў сучасным горадзе, і слухаем адмысловы калядны сэт ад музыкаў.
Песні, якія гучаць у праграме:
- гурт «Vuraj» – «Святы вечар» (працягласць 4,42, музыка і словы народныя)
- гурт «Vuraj» – «Вэлытай пэрэпылко» (4,46, музыка і словы народныя)
- гурт «Vuraj» – «І дождж ідзець» (3,59, музыка і словы народныя)
- гурт «Палац» – «Кола грукатала» (3,31, музыка і словы Алега Хаменкі)
- гурт «Палац» – «Святы вечар» (3,04)
- гурт «Палац» – «Merry Christmas» (3,03, музыка і словы народныя)
