Гарачы каментар Прадпрымальнік: Падаткавікі ў свой час «перадзёрнулі» указ, самі вінаватыя


Дыялог ці масавыя пратэсты? Або і першае, і другое. Дробныя бізнесоўцы працягваюць шукаць выхад з прадпрымальніцкага крызісу. Частка ІП працягвае падрыхтоўку да пратэсту ў цэнтры Менску, іншыя разлічваюць пакуль выключна на дыялог з уладамі, маўляў, пакуль перамовы ідуць, гарматы маўчаць.https://www.youtube.com/watch?v=yHjb47OHrig&feature=youtu.beГэтак лідар абʼяднанная «Перспектыва» Анатоль Шумчанка пракаментаваў сваё рашэнне пакуль адмовіцца ад мітынгу ў Менску. Праўда, і дыялог дагэтуль не прынёс істотнага плёну. Сёння, па выніках другой сустрэчы працоўнай групы ў Міністэрстве эканомікі, у пытаннях развязання прадпрымальніцкага крызісу, не прынята ніякіх канкрэтных рашэнняў. Улады стаяць на сваім – указ N222 можна касметычна дапрацаваць, але не адмяніць.У «Гарачы каментары» – індывідуальны прадпрымальнік Анатоль Змітровіч, які зʼяўляецца ўдзельнікам працоўнай групы ў Мінэканомікі.

«Калі мы пачыналі абмяркоўваць указ N222, то мы прасілі, каб па ўвазных дакументах на набыты прадпрымальнікам тавар да 1 студзеня 2016-га года пры ўмове аплаты ўвазнога ПДВ, ніякіх праверак праводзіцца не будзе. Бо заплаціўшы ўвазны ПДВ, прадпрымальнік ужо легалізаваў гэты тавар і разлічыўся з дзяржавай. Але Міністэрства па падатках і зборах на гэта не пайшло, яны сказалі: «Ніякага мараторыя». Але Міністэрства само вінаватае: калі пры ўводзе ўказу нам казалі працаваць у адных умовах, а праз паўтары гады гэтыя ўмовы змянілі, можна сказаць «перадзёрнулі». І мы не змаглі выканаць гэтыя ўмовы», – заявіў у эфіры «Белсату» Анатоль Змітровіч.

Каментары