Гарачы каментар Перамога талерантнасці ці шызафрэнія ўлады?


Штогод на Дзяды невялічкае мястэчка Свіслач, што на Гарадзеншчыне, збірае сотні неабыякавых людзей на ўшанаванне памяці братоў Каліноўскіх, Віктара і Кастуся – тых, хто, уздымаючы паўстанне супраць расейскай акупацыі, сваім паролем абраў словы «Люблю Беларусь!».І штогод улады, якія дагэтуль даглядаюць помнік Сталіну ў свіслацкім гарадскім парку, штрафуюць і садзяць за краты ўдзельнікаў памятнага мерапрыемства – тых, хто любіць Беларусь усім сэрцам. Летась за ўдзел у Свіслацкім фэсце былі асуджаныя 18 чалавек. Першы пратакол за ўдзел у сёлетнім мерапрыемстве таксама ўжо складзены. Вайна з беларушчынай не спыняецца ані на дзень.Госць праграмы «Гарачы каментар» грамадскі і палітычны актывіст Вячаслаў Сіўчык мяркуе, што лозунгі Каліноўскага сугучныя з лозунгамі беларускай нацыі і менавіта гэта нервуе ўладу, якая цісне на ўдзельнікаў гэтага памятнага мерапрыемства.

«На жаль нам сёння зноў патрэбна воля, праўда, і каб урад быў для народу, а не народ для ўраду», – сказаў Сіўчык.

Больш у відэаматэрыяле!

Каментары