Віктар Саладуха, бацька траіх дзяцей, працаваў на Смаргонскім камбінаце хлебапрадуктаў. 12-га кастрычніка на працоўным месцы нага Віктара трапіла ў шнэк.
Хуткую выклікалі толькі праз 20 хвілінаў. Калі ж медыкі прыехалі, то не змаглі дастаць пацярпелага са шнэка. Тады выклікалі ратавальнікаў. Але праз паўтары гадзіны 34-гадовы мужчына памёр. Прычынаю смерці стаў болевы шок.
Цяпер жа выплатаў за вытворчую траўму спадарыня Таццяна – удава Віктара – можа не атрымаць. На камбінаце робяць усё, каб перакласці віну на ейнага мужа, – напрыклад, абвяшчаюць, што працаўнік быў п’яным. Таццяна звярнулася ў нашую праграму па дапамогу, каб знайсці сапраўдных вінаватых у смерці мужа.
Фота sk.gov.by