[vc_row][vc_column][vc_raw_html]JTNDaWZyYW1lJTIwd2lkdGglM0QlMjI0ODAlMjIlMjBoZWlnaHQlM0QlMjIyNzAlMjIlMjBzcmMlM0QlMjJodHRwcyUzQSUyRiUyRnd3dy55b3V0dWJlLmNvbSUyRmVtYmVkJTJGVFYwVzFkblRHaFUlMjIlMjBmcmFtZWJvcmRlciUzRCUyMjAlMjIlMjBhbGxvd2Z1bGxzY3JlZW4lM0UlM0MlMkZpZnJhbWUlM0U=[/vc_raw_html][vc_column_text]
Дэпазітныя абмежаванні: юрыдычныя асобы не змогуць шмат зарабляць на банкаўскіх укладах
Фінансавыя рэпрэсіі ці спроба зрабіць крэдыты таннейшымі? Нацыянальны банк запатрабаваў ад камерцыйных банкаў істотна знізіць стаўкі паводле дэпазітаў для юрыдычных асобаў. Абгрунтаванне захады палягае ў тым, што яна паспрыяе вырашэнню праблемаў у эканоміцы краіны.Для юрыдычных асобаў камерцыйныя банкі вымушаныя знізіць стаўкі паводле дэпазітаў у залежнасці ад тэрмінаў размяшчэння сродкаў. Калі раней прадпрыемствы маглі зарабляць на ўкладах у банках каля 30 %, то цяпер стаўкі па адзыўных дэпазітах усталяваныя ў межах 12-21 %.ВАДЗІМ ІОСУБ, «ALPARI»: «Рашэнне, якое Нацбанк прыняў у справе дэпазітаў для юрыдычных асобаў, знаходзіцца ў рэчышчы таго ж рашэння, што было прынята ў верасні летась і датычылася фізічных асобаў. У рэгулятара адначасова два пажаданні. Першае – гэта зрабіць рэсурсы банкаў больш таннымі. А па-другое падоўжыць рэсурсную базу».Уводзіцца захада пад жорсткім кантролем. Кожны тыдзень банкіры павінныя прадстаўляць рэгулятару справаздачу. На рынку знікае рызыка: для юрыдычных асобаў дэпазіты з улікам дэвальвацыі і інфляцыі перастануць быць цікавымі. Па-другое, для доўгатэрміновых укладаў у прадпрыемстваў няма вольных сродкаў. Што да пажаданняў і мэтаў Нацбанку – то яны відавочныя.ВАДЗІМ ІОСУБ, «ALPARI»: «Стымуляванне ўкладчыкаў, як фізічных асобаў, так паводле новага рашэння, і юрыдычных асобаў, рабіць уклады на больш доўгія тэрміны і пажадана на безадзыўнай аснове. Гэта можа спрасціць працу банкаў па выдачы новых крэдытаў, а таксама тэарэтычна будзе садзейнічаць таму, што новыя крэдыты стануць больш таннымі».Танныя крэдыты, на думку ўрадоўцаў павінна паспрыяць росту эканомікі. Але вырашыць праблемы манетарнымі захадамі не ўдасца. Крызіс сістэмны і патрабуе рэфармавання прамысловасці, прадукцыя якой неканкурэнтаздольная.
Новая хваля міграцыі: беларускія кіроўцы TIR-аў з’язжаюць у Польшчу
Грузаперавозчыкі зʼязджаюць на Захад. Яшчэ некалькі гадоў таму ў выніку стварэння больш спрыяльных умоваў, адбылася масавае перамяшчэнне з Беларусі як кіроўцаў, так і транспартных фірмаў у Расею. Але і зараз на гэтым рынку барацьба за спецыялістаў. Сітуацыя зусім не на карысць Беларусі. Усё больш айчынных кіроўцаў выбіраюць працу за межамі краіны, у тым ліку і ў Польшчы.
ДЗМІТРЫЙ КАЖАМЯКА, КІРОЎЦА: «Стаўленне да нас нашмат больш прыязнае, чым скажам, у самой Беларусі. Умовы працы там лепшыя. Тое ж тычыцца і заробку – там лепей. Акрамя гэтага заўсёды можна нешта танней набыць у Польшчы. І гэтак далей. Агулам вельмі шмат маіх сяброў, знаёмых цяпер працуюць там».
Абумоўлена гэта не толькі прыязным стаўленнем польскіх наймальнікаў да беларускіх кіроўцаў грузавых аўтаў, а ў асноўным эканамічнымі чыннікамі. У адрозненні ад кіроўцаў з краінаў Еўразвязу спецыялісты з Беларусі менш патрабавальныя да заробкаў ды сацыяльнага пакету.
ЗМІЦЕР БАБІЦКІ, ЭКАНАМІСТ: «У нас не так і шмат грузавых транспартных сродкаў у параўнанні з тымі ж самымі летувісамі ці палякамі. Калі ў нас налічваецца можа недзе да 10 тыс. грузавікоў, то ў Польшчы іх 120 тыс. То бок нават не ў чатыры разы болей, як паводле колькасці насельніцтва мы адрозніваемся, але нават болей чым у дзесяць разоў. Таму зразумела, што бяруць кіроўцаў з іншых краінаў. І тут, напэўна, не толькі беларусы».
І сапраўды, на гэтым рынку ў суседняй Польшчы акрамя беларусаў шмат кіроўцаў з Малдовы ды Украіны. Праўда, спецыялісты з нашай краіны больш канкурэнтныя ў тых фірмах, якія шчыльна працуюць на ўсходнім накірунку, дзе няма патрэбы ў афармленні дадатковых візаў.ДЗМІТРЫЙ КАЖАМЯКА, КІРОЎЦА: «Магу сказаць з перакананасцю, што кожнае трэцяе аўто, якое накіроўваецца ў Расею – за стырном сядзіць менавіта беларус, гэта на сто адсоткаў».Адной з галоўных перашкодаў для айчынных кіроўцаў пры працаўладкаванні ў Польшчы зʼяўляюцца візы. Але гэтая праблема вырашальная, таму колькасць беларусаў, якія выязджаюць на працу ў суседнюю заходнюю краіну будзе толькі павялічвацца.
