Асабісты капітал Не хапае «дэкрэтных»? Паглядзіце, як зарабіць, каб не страціць выплат


Як маладой маці легальна зарабіць ды не страціць дэкрэтных выплат?

Алена Прановіч ужо восьмы год мае сваю школу танцу «Ballet Studio», і пасля нараджэння сына паспяшалася назад «да станка»:

«Мне значна больш выгадна весці ўласную справу, быць індывідуальным прадпрымальнікам, чым атрымліваць поўную дапамогу на дзіця. Губляючы 50%, я зарабляю значна больш».

Пакуль жанчына вучыць дзяўчат балету ўсяго 1,5 гадзіны 2 разы на тыдзень, аднак амаль увесь астатні час яна прысвячае іншым аспектам бізнесу: выступам, конкурсам вучняў, рэкламе, дачыненням з кліентамі, касцюмам. Часта жанчына спіць толькі 4 гадзіны ў содні, бо, акрамя творчасці, трэба займацца і бухгалтэрыяй.

Фармальна пасля дэкрэтнага адпачынку кожная жанчына абароненая ад скасавання кантракту, але ёсць і суб’ектыўныя абставіны, звязаныя з мікракліматам у калектыве ці пазіцыяй кіраўніцтва, якія могуць прымусіць жанчыну адмовіцца ад гэткае гарантыі. На жаль, кожны трэці кіраўнік, у чыім падпарадкаванні ёсць «дэкрэтніца», не вельмі чакае ейнага вяртання. Якія правы мае супрацоўніца ў дэкрэтным адпачынку і якія варыянты падпрацоўкі з захаваннем дзяржаўнай дапамогі існуюць для маці, глядзіце ў сюжэце праграмы «Асабісты капітал» (відэа вышэй).

А гэта – праграма «Асабісты капітал» цалкам:

Каментары