Афіцыйна ў Беларусі каля 40 тыс. беспрацоўных. Але не кожны беларус можа трапіць у гэтую статыстыку: служба занятасці не прымае заявы тых, хто быў асуджаны і адбывае пакаранне.
У такую заканадаўчую пастку патрапіла Алеся Садоўская. Жанчыну не толькі незаконна асудзілі, прымусова накіравалі ў псіхіятрычную лякарню, забралі дзіця, але і адмовілі ў мізэрнай дапамозе па беспрацоўі.
Як працуе беларуская служба занятасці, каму яна дапамагае і чаму цяжарныя беларускі, што страцілі працу, не спяшаюцца станавіцца афіцыйна беспрацоўнымі, глядзіце ў рубрыцы «Свая кішэня».