Падобна што нават самыя моцныя і хуткія бензінавыя аўты адступаюць пад ціскам электрарухавікоў.
Днямі брытанскі аўтамабільны музей «Wilton Classic & Supercar» правёў дрэг-рэйсінг (заезд на 1/4 мілі – 402 метры) паміж харвацкім электракарам Rimac Concept One і Bugatti Veyron. Электракар перамог, хоць бліжэй да фінішу Veyron усё ж здолеў зраўняцца з супернікам.
Стваральнікі Bugatti не пагадзіліся з вынікамі і заявілі, што электракару дапамагаў лёгкі мароз, а гума Veyron не да канца прагрэлася для падобнага заезду.
Аргументы, канешне, слабыя, улічваючы досвед гонак каманды Bugatti і зусім невядомых харватаў. Мароз, наагул, зусім не спрыяе нармальнай працы акумулятараў – дастаткова ўзгадаць, як пры мінус 15 адключаюцца некаторыя смартфоны.
Кірыл Смяглікаў