21 лютага, у Міжнародны дзень роднай мовы, у Менску ў шэрагу месцаў адбудуцца пікеты, на якіх можна будзе паставіць свой подпіс за пашырэнне беларускамоўнай адукацыі. «Гэта абавязак дзяржавы», – заяўляе ініцыятар пікетаў, грамадскі актывіст і бізнесовец Зміцер Дашкевіч.
Разам з тым за сціплае становішча беларускай мовы ў нашай краіне Дашкевіч ён ускладае адказнасць у першую чаргу на тых, хто кажа, што «мова – гэта важна».
«На вялікі жаль, мой досвед паказвае, што многія з тых, хто ў грамадстве ўяўляюцца «страшэннымі нацыяналістамі» і «іконамі беларускасці», у паўсядзённым жыцці карыстаюцца расейскай мовай. Чаму нельга патэлефанаваць у ЖЭС і размаўляць па-беларуску? І гэта масава адбываецца! Таму маем то, што маем», – лічыць Зміцер Дашкевіч.
Падрабязней пра гэта – у поўным выданні праграмы «Размова» Усевалада Сцебуракі са Зміцерам Дашкевічам.
