Віктар Шукеловіч з праграмай «Вяскоўцы» завітаў на кулінарны фэст «Капыцікі» ў Валожынскім раёне.
Назва свята гістарычная – даўней гаспадары ў гэтым рэгіёне клікалі суседзяў і родзічаў на свежаніну, падкрэсліваючы, што запрашаюць менавіта «на капыцікі». Гэтая традыцыя жывая дагэтуль, праўда, пакаштаваць мясцовых ласункаў збіраюцца госці не толькі з найбліжэйшых двароў і селішчаў, а нават з іншых краін.
Пры нагодзе вядоўца праграмы стаўся на момант вясковым гандляром, падрыхтаваўшы для сваіх кліентаў адмысловыя неспадзяванкі. Каб купіць нешта ў Віктара, трэба было праявіць свой талент: праспяваць песню, расказаць анекдот або верш і гэтак далей.
Сапраўдны баль для гурманаў, прэзентацыя рэгіянальных страў, жывая музыка, застолле, жарты і бяседныя песні – у новым выданні «Вяскоўцаў».