27 лістапада – беларускі Дзень герояў, які адзначаецца ў дату пачатку Слуцкага збройнага чыну ў 1920 годзе.
Гісторык Анатоль Валахановіч, які днямі пайшоў з жыцця, у сваім апошнім інтэрв’ю распавёў на «Белсаце», за што і як змагаліся беларусы на Случчыне.
Былі створаны два палкі, а мэтай змагання было «не падпасці пад уладу Саветаў». БНР ужо не было, яе кіраўнікі з’ехалі, але знайшліся героі, якія са зброяй у руках біліся за незалежнасць краю.
«Але сілы былі няроўныя», – кажа гісторык. Змаганне пратрывала месяц. Аднак пасля паразы слуцкія паўстанцы ажно да канца 1920-х гадоў змагаліся з савецкай уладай як «лясныя браты».
Як Слуцкі збройны чын асвятляецца ў беларускіх падручніках, якая памяць пра тыя падзеі захавалася на Случчыне і як Дзень герояў адзначае грамадскасць?
Падрабязней – у «Размове Сцебуракі».
Тэлеканал «Белсат» выказвае шчырыя спачуванні родным і блізкім спадара Анатоля.
