Гарачы каментар Аляксандр Сінкевіч: «Наступствы крызісу Беларусь адчуе налета»


Ці стане чарговая дэнамінацыя лекам для беларускай гаспадаркі? Валер Руселік абмяркоўвае асаблівасці беларускага крызісу з эканамістам Аляксандрам Сінкевічам.Нацбанк прадставіў выгляд новых банкнотаў і манетаў, якімі мы будзем карыстацца з вясны 2016 года, пасля дэнамінацыі. Нягледзячы на своечасовасць дэнамінацыі і іншыя пазітыўныя моманты – станоўчае сальда і павелічэнне золатавалютных запасаў – Аляксандр Сінкевіч лічыць, што беларуская гаспадарка – у зацяжной рэцэсіі. У надзвычай складаным становішчы апынулася прамысловасць. І выйсця не бачна, – кажа эксперт. Улады не ігнаруюць праблему, а б’юцца над ёй, але іх намаганні наўрад ці паправяць фінансавую сістэму:Улады спадзяюцца на замежныя крэдыты і на замежных інвестараў. Але крызіс, які пануе ў свеце, прымушае МВФ быць вельмі асцярожным у раздачы пазыкаў.

Адна з прычынаў рэцэсіі – шчыльнае прывязванне да расейскай гаспадаркі. Усе праблемы ў нашай усходняй суседкі накрываюць хваляй нас.

Яшчэ адна праблема, на думку эксперта, палягае на тым, дзяржава не падтрымоўвае перспектыўныя галіны прамысловасці, а ўкладае грошы ў безнадзейныя праекты. Гаспадарка не абваліцца, але ціха спаўзе на дно. Перажывуць стагнацыю толькі тыя прадпрыемствы, якія маюць замежныя рынкі збыту, – кажа Сінкевіч.

Каментары