Гарачы каментар Алесь Лагвінец: «Лукашэнку паказалі на ягонае месца»


Госць «Гарачага каментару» Алесь Лагвінец каментуе ў эфіры «Белсату» паводзіны беларускага лідара ў перамовах з Расеяй па пытанні авіябазы і перанос сустрэчы з Пуціным, якая павінная была адбыцца 26 лістапада.Пуцін у чарговы раз паказаў Аляксандру Лукашэнку ягонае месца – месца хаўрусніка, які проста павінен выконваць загады з Крамля. Заўтра ў Пуціна ёсць час на сустрэчу з Франсуа Аляндам, а таксама на тое, каб прыняць 15 даверных граматаў ад новых амбасадараў. Беларусь, як залежны сатэліт, можа пачакаць.Лукашэнка зацягвае вырашэнне пытання расейскай авіябазы, каб падняць сабе цану. Пытанне базы – не пытанне незалежнасці краіны, а пытанне асабістага выжывання. База – разменная манета ў ягоных размовах з Расеяй на тэму крэдыту ў 3 млрд долараў.ДД, belsat.eu

Каментары