17 верасня 1939 года савецкая гістарычная навука назвала днём уз’яднання Беларусі, актам гістарычнае справядлівасці, актам ліквідацыі гвалтоўнага і грабежніцкага падзелу Беларусі паводле ўмоваў Рыжскае мірнае дамовы.
Такога ж трактавання трымаюцца і сучасныя беларускія гісторыкі ды ідэолагі. А што насамрэч адбылося ў гэты дзень? Што мелі на мэце два дыктатары – Сталін і Гітлер? Як адбываўся гэтак званы вызвольны паход Чырвонай арміі? Чым ён стаўся для беларусаў – вызваленнем, уз’яднаннем ці новай акупацыяй? Горам ці бядою нацыі? Фільм здымалі на месцы гістарычных падзеяў: у Берасці, дзе 22 верасня 1939 года адбыўся савецка-фашысцкі вайсковы парад, і ў Горадні – на месцах, дзе польскія вайскоўцы ды мясцовыя абаронцы – добраахвотнікі адбівалі наступ Чырвонай арміі.
Эксперт – гісторык мастацтва, даследнік культуры Заходняе Беларусі Сяргей Харэўскі.
