Улады Самалі і амерыканскія ваенныя нанеслі ўдар па трэніровачнай базе групоўкі «Аш-Шабаб» у самалійскім рэгіёне Сярэдняя Джубба.
Пра гэта паведамляе «Голас Амерыкі».
Прэзідэнт Самалі Махамед Абдулахі Махамед заявіў у нядзелю, што ён санкцыянаваў прымяненне нацыянальнага спецназа пры падтрымцы міжнародных партнёраў для правядзення ўдару па лагеры «Аш-Шабаб» у раёне гораду Сакаў.
Паводле яго слоў, у выніку ўдару быў знішчаны ключавы камандна-забеспячэнскі цэнтр «Аш-Шабаб», што «пазбавіць ворага магчымасці здзяйсняць новыя атакі ў Самалі».
Амерыканскія вайскоўцы пацвердзілі свой удзел у аперацыі ў рамках «прамога адказу на дзеянні» «Аш-Шабаб», якія ўключалі нядаўнія напады на сілы Самалі і Афрыканскага Саюзу. Па дадзеных Пентагона, у выніку аперацыі былі знішчаныя восем баевікоў «Аш-Шабаб».
ІІ, belsat.eu, паводле «Голас Амерыкі»
