«Гэта ня толькі наша бітва. Вайсковая моц ЗША можа адыграць вырашальную ролю, але мы ня можам зрабіць для Іраку тое, што гэтая краіна павінна зрабіць для сябе сама. І мы ня можам замяніць нашых арабскіх партнёраў у справе ўстанаўлення міру ў іх рэгіёне. Таму да гэтага часу я неаднаразова казаў, што дадатковыя дзеянні ЗША будуць залежаць ад стварэння ў Іраку ўраду, які прадстаўляе інтарэсы ўсіх грамадзянаў», – заявіў амерыканскі прэзідэнт.
Паводле Барака Оўбамы гэта вайна будзе доўгай, але сама кампанія не прадугледжвае адпраўку амерыканскага сухапутнага кантынгенту ў раён падкантрольны тэрарыстам.
Амерыканскі лідар лічыць, што на тэрыторыі Іраку ваяваць супраць тэрарыстаў павінны ўрадавыя сілы Іраку. Хто будзе змагацца з баевікамі ў Сірыі амерыканскі прэзідэнт не ўдакладніў. «У барацьбе супраць «Ісламскай дзяржавы« мы ня можам спадзявацца на рэжым Асада, які тэрарызуе свой уласны народ і які ніколі ня зможа аднавіць страчаную ім легітымнасць» – сказаў прэзідэнт Оўбама.
Сёлета прадстаўнікі непрызнанай джыхадзісцкай арганізацыі «Ісламская дзяржава Ірака і Леванта» узялі пад кантроль значную тэрыторыю Ірака і Сірыі. Гэтая тэрарыстычная арганізацыя складаецца і абапіраецца на шэраг суніцкіх тэрарыстычных груповак. Папярэдніка арганізацыі – Аль-Каіда. Галоўная мэтай ісламскай дзяржавы – стварэнне Сірыі і Іраку халіфата, які будзе функцыянаваць па законах шарыяту.
ЮВ, паводле huffingtonpost.com