«Знішчэнне узброеных фармаванняў з дапамогай авіяцыі». Пачаўся другі этап вучэнняў «Захад»


Ува адбіцці ўяўнай тэрарыстычнае атакі ключавую ролю граюць падраздзяленні дэсантнікаў. На фота – расейскія дэсантнікі, паднятыя па трывозе ў межах вучэнняў «Захад-2017». Крыніца – Міністэрства абароны Расеі

17 верасня на супольных манеўрах беларускія і расейскія вайскоўцы адпрацуюць адказ «на агрэсію супраць Саюзнай дзяржавы». У прыватнасці – «супрацьдзеянне незаконным узброеным групам».

На другім этапе вучэнняў «Захад-2017», які распачаўся сёння, будуць адпрацаваныя пытанні кіравання войскамі пры адказе на агрэсію супраць Саюзнай дзяржавы Беларусі і Расеі.

«17 верасня будуць адпрацаваныя пытанні кіравання войскамі падчас вядзення ваенных дзеянняў пры адбіцці агрэсіі супраць Саюзнай дзяржавы ва ўмовах абстаноўкі, якая хутка змяняецца, арганізацыі ўзаемадзеяння і ўсебаковага забеспячэння ў інтарэсах вырашэння пастаўленых задачаў», – цытуе суботнюю заяву прэс-сакратара Мінабароны Беларусі Уладзіміра Макарава «Інтэрфакс».

Цягам гэтага этапу войскі адпрацуюць контрдыверсійныя дзеянні з выведкай праціўніка і супрацьдзеянне незаконным узброеным фармаванням, абарону ад наступу сухапутных групаў праціўніка і знішчэнне незаконных узброеных фармаванняў пры падтрыманні авіяцыі.

ДД

Глядзі таксама
Каментары