Змяшчаць фота і відэа ў «Тўітары» можна будзе без ліміту


Цягам тыдня на мікраблогавай платформе адбудуцца рэвалюцыйныя змены.

«Bloomberg» са спасылкаю на ананімную крыніцу ў кампаніі падае, што фатаграфіі ды відэафайлы, а таксама гіперспасылкі да канца траўня перастануць трактавацца «Тўітарам» як часткі тэкставага паведамлення і, адпаведна, не будуць падлягаць абмежаванню ў 140 сімвалаў. Пакуль медыяфайлы і лінкі на вонкавыя старонкі аўтаматычна «з’ядаюць» з кожнага «тўіту» 23 сімвалы.

Нягледзячы на тое, што сервіс аўтаматычна скараціў спасылку ў гэтай публікацыі на афіцыйнай старонцы «Белсату», уласна на тэкст усё роўна засталося толькі 94 знакі.

Дадаванне медыяматэрыялаў даўно сталася сярод карыстальнікаў платформы звычайнаю справаю, і цяпер кампанія вырашыла даць аўтарам больш свабоды, не змяняючы свой фірмовы прынцып – абмежаванне на практычна адзін сказ.

ДД, belsat.eu

Глядзі таксама
Каментары