Жыхар Віцебска правёў у вентыляцыйнай шахце амаль суткі


Фота: 112.by

Ратаўнікі выцягнулі маладога хлопца з вентыляцыйнай шахты дзіцячага садка ў Віцебску. Пацярпелы дастаўлены ў шпіталь у прытомнасці, але з сіндромам працяглага абязводжвання, як паведамляе Віцебскае абласное ўпраўленне МНС.

Маладога хлопца знайшлі ў вентыляцыйнай шахце дзіцячага садка №51 увечары 9 сакавіка. Ратаўнікі атрымалі паведамленне па тэлефоне ад дзяжурнага міліцыі і выехалі на пошукі хлопца. Пацярпелы падаваў гукі, і брыгада МНС змагла вызначыць дакладна, дзе ён знаходзіцца.

Фота: 112.by

Выцягнуць хлопца наверх не было магчымасці, таму ратаўнікі ўзрэзалі шахту перфаратарам.

У вентыляцыйнай шахце памерам 40х40 сантыметраў хлопец 1996 г.н. прасядзеў амаль суткі. Каля 11 гадзіны раніцы ён тэлефанаваў родным і паведамляў, што бачыць толькі неба. Увечары сувязь з ім згубілася, і родныя пачалі пошукі.

Фота: 112.by

Будынак дзіцячага садка мае два паверхі і ўночы яго вартуе стораж. Як хлопец патрапіў у вентыляцыйную шахту, зараз удакладняе РУУС.

Фота: 112.by

ВЧ, паводле mchs.gov.by

Глядзі таксама
Каментары